"Vertrou op die Here met jou hele hart – op jou eie insig moet jy nie staatmaak nie." Spreuke 3:5
Oktober verlede jaar moes ek my belastingopgawe vir 2023 indien. Net die gedagte aan belastingopgawes het my vroeër met soveel vrees gevul, maar ek het besluit ek gaan my Man vertrou en nie op my eie insig staatmaak nie, en dat ek Sy leiding sal volg. Hy het my gedurende die hele proses aan hierdie vers herinner, nie dat ek gedink het om nie my belasting in te dien nie, maar om my te herinner dat ons dit doen uit gehoorsaamheid en onderdanigheid aan ons owerhede:
'Wys vir My die munt waarmee julle belasting betaal.” Hulle het vir Hom 'n denarius gebring. Hy vra hulle toe: “Wie se afbeelding en inskripsie is dit dié?” En hulle sê vir Hom: “Die keiser s'n.” Daarop sê Hy vir hulle: “Gee dan aan die keiser wat hom toekom en aan God wat Hom toekom.” Matteus 22:19-21
Nadat ek my opgawe ingedien het, het ek die bedrag ontvang wat ek aan belasting geskuld het, dit was 'n bietjie meer as wat ek verwag het, maar ek het vrede in my hart gehad en Hy het voorsien sodat ek die geld gereed kon hê om te betaal en ek het totale vrede gehad, ek het vertroue in my Hemelse Man gehad en dat Hy alles onder beheer het. Ja, dit was baie geld, maar ek het vrede gehad met die wete dat ek die regte ding gedoen het en gehoorsaam was en ek het dit daar gelos, ek het by myself gedink dis gesluit en klaar, MAAR dit was nie my Hemelse Man se plan nie; HY het nie die boek vir 2023 se belasting toegemaak nie!
Elke nou en dan bel my voormalige skoonsuster (VSS) my om te hoor hoe dit gaan en net 'n bietjie te gesels. Gedurende Februarie vanjaar het sy my weer onverwags gebel. Tydens hierdie geselsies kan ek haar altyd bedien en haar die beginsels leer wat ons hier by RMI leer, en sy is altyd gretig om die beginsels te leer en toe te pas, maar om een of ander rede het my Man die gesprek na belasting gelei. My VSS is 'n geoktrooieerde rekenmeester, en sy het 'n wonderlike getuienis met my gedeel oor haar persoonlike belasting en hoe die Here vir haar deurgekom het en haar gehelp het, toe bied sy my haar boekhouer se nommer aan om my te help met my nuwe belastingopgawe.
Ek het met my Man daaroor gepraat en na 'n paar dae wat ek op Hom gewag het, het Hy my gelei om haar te bel. Sy het my uitgevra oor my vorige belastingopgawe en toe gevra om vir haar al daardie jaar se dokumentasie te stuur, wat ek gedoen het. 'n Dag of twee later het sy vir my gesê sy gaan daardie opgawe heropen en geld terug eis, sy het vir my die bedrag gegee wat meer as die helfte was van wat ek betaal het. Wel, ek het dit net vir my Man gegee en vir Hom gesê dat ek dit in Sy hande laat, maar dat ek okay is daarmee om niks terug te kry nie, want ek het vrede gehad oor daardie opgawe. Paar dae later het sy my ingelig die bedrag is goedgekeur en ek sal die geld binne 'n week terugkry!
Ek is steeds verstom oor hoe my Geliefde dit georkestreer het en my weereens gewys het dat wanneer ons gehoorsaam is, wanneer ons EERSTE vir Hom ons tiendes gee wat aan Hom toekom, ons Sy versekering beskerming het; Hy SAL ons beskerm teen die verslinder! (Dag 10 Versekering Beskerming)
Nog 'n goeie ding wat hieruit voortgekom het, was dat ek hoop kon deel met die boekhouer, sy het my gevra vir die bedieningshulpbronne vir 'n vriendin van haar wat deur 'n egskeiding gaan, so ek kon UiteindelikHoop.com met haar deel!
Vir meer inligting oor tiendes, lees asseblief: Mylpaal #1. Beskerming van Tiendes
Wow dis net presies wie ons kosbare Here is! Dankie dat jy hierdie pragtige getuienis met ons deel kosbare Adina. Die Here het jou werklik teen die verslinder beskerm en hoe fantasties dat jy UiteindelikHoop.com ook met die boekhouer kon deel, sodat sy dit in haar vriendin se lewe in kan saai.
Dankie Janine, ja Hy is getrou en al sien ons niks in die vlees nie, Hy werk agter die skerms aan iets wonderliks!
Wow Dankie liefte Adina vir die getuienis ja die Here beweeg voor uit vir ons en het als onderbeheer en Hy kan nie wag om ons te seen. Die Here is wonderlik Hy is al wat ons nodig het.
Ek stem liefste Kristy, Hy het als onder beheer en Hy wil ons seen, en as Hy ons gehoorsaamheid sien om Hom eerste te stel in ons finansies deur ons tiende te gee, sal Hy vir ons deurkom want dit is wat Hy belowe in Sy Woord.