Hallo pragtige bruide, ek is Adina in Suid-Afrika en vandag wil ek deel wat ek geleer het in Vind die Oorvloedige Lewe Hoofstuk 8 “Na Wie Luister Jy?”
Dit was nog ‘n les wat my regtig baie gehelp het. Toe ek op Laerskool was, het ons op ‘n kamp gegaan waar ons verskeie hindernisbane moes doen. Ek is nie lank nie, en as kind was ek korter as die meeste van my maats. Daar was een spesifieke hindernis waarmee ek gesukkel het, want dit was te hoog vir my om by te kom, maar een van my langer klasmaats het opgeklim en my gehelp om op te klim en ek kon die voortgaan. Maar agterna het die juffrou op my geskree en vir my gesê hoe lomp ek is en dat ek niks kan doen nie. Dit het my vir baie jare bygebly en ek was altyd bang om sulke dinge te doen. En daar is nog baie meer beledigings wat in my lewe na my geslinger is wat ek begin glo het en dit het my verhinder om sekere dinge te doen uit vrees vir mislukking. En daar kan baie opinies of beledigings wees wat ons oor ons voorkoms ontvang wat ons begin glo, of oor onsself se agv. onrealistiese sosiale media standaarde.
Maar hierdie les was ‘n pragtige herinnering dat ons niemand se opinies ter harte hoef te neem nie, dit het my geleer dat ons dit dadelik na ons Hemelse Man kan neem en Hom kan vra wat Hy van ons dink en hoe Hy oor ons voel, of ons kan na die Bybel gaan en lees totdat ons vrede het. Tydens ‘n aanval of wanneer beledigings na ons geslinger word, kan ons onsself emosioneel verwyder en Sy opinie vra, in plaas daarvan om na die beledigings te luister en dit toe te laat om ons vrede en vreugde te steel, kan ons agter ons Geliefde skuil en rustig wees deur te luister na wat Hy daarvan sê.
Ons moet ook nie al die beledigings vir dae aaneen in ons gedagtes oorspeel nie, ons moet dit laat gaan en peins oor Sy goedheid en al die seëninge wat ons elke dag ontvang, ons moet nie toelaat dat dit in ons harte insink om dit uiteindelik te glo nie, of dit toelaat om ons vrede en vreugde te steel nie. Dieselfde met al die beledigings wat gedurende ons leeftyd na ons geslinger is, ons moet dit alles na Hom toe neem en Sy mening kry. Sy opinie is al wat saak maak en die enigste opinie wat ons ter harte moet neem en dit sal ons vrede gee.
Nog iets wat ek uit hierdie les geleer het, is om stil te bly en om nie ons lewens of situasies met ander te deel nie, want as ons luister na menings of selfs welmenende raad van ander, kan dit tot verwarring en selfs teenstand lei. Ons moet net met ons Hemelse Man praat en wag dat Hy ons sal lei in wat ons ook al in die gesig staar.
Neem dus alles wat enigiemand ooit oor jou gesê het en waarmee jy gesukkel het vir jou Hemelse Man, vra Hom wat Hy daarvan dink, hoe Hy jou sien en hoe Hy oor jou voel en laat Hom jou vrymaak van dinge wat jy geglo en mee gesukkel het. Hy wil jou help en Hy wil dit vir jou dra!
Dankie dat jy dit met ons deel Adina. Ek het juis altyd beledigings oor en oor in my kop gemaal dat dit my net erger laat voel, maar my lewe het so verander nou dat ek dit na die Here toe neem, want ek wil veel eerder glo wat die Here van my dink en sê.