Hallo pragtige bruide, ek is Adina in Suid-Afrika en vandag wil ek deel wat ek geleer het in Vind die Oorvloedige Lewe Hoofstuk 9 “Gee”
Om te gee is heeltemal die teenoorgestelde van wat ons wil doen, ons vlees wil aan alles vashou, veral wanneer ons gebrek in die gesig staar. Maar as ons die oorvloedige lewe wil vind wat Hy vir ons wil gee, moet ons ons vlees doodmaak en in geloof uitstap en die onsigbare begin glo.
Wanneer ons skielik met gebrek, of voor volslae ondergang te staan kom, is dit so maklik om ander bronne van inkomste te soek of iets te gaan verkoop wat ons besit om te probeer kry wat ons nodig het. Maar wanneer ons in hierdie posisie is moet ons besluit, ons moet kies tussen ons lot of ons seën. Gaan ons aanhou glo en die onbekende instap met Hom wat ons vashou en dra, of sal ons vlees wen om tydelike verligting bring, net om uiteindelik in 'n baie slegter posisie te beland as wat ons was?
Ek is mal oor hierdie een sin in hierdie hoofstuk: Wanneer dit lyk asof jy niks oor het nie, moet jy gee om te ontvang. As jy faal om te gee, sal jy behoeftig bly.
Ek is ook lief vir hierdie vers: “Daar is mense wat vrylik uitdeel en tog steeds meer het, daar is ander wat suinig is en tog arm word. Wie ‘n ander voorspoed gun, sal self oorvloed hê. Wie die dors van ander les, sal self genoeg kry as hy dors is”
In tye wanneer ons 'n totale gebrek of ondergang in die gesig staar, word ons opgestel vir 'n seën, wanneer ons finansieel teen die Rooi See gedruk word, sonder enige uitweg, wil die Here inspring en ons op 'n groot manier verlos vir almal om Sy heerlikheid te sien, maar ons moet deur die nou poort ingaan en doen wat so teenstrydig is met wat ons wil doen, en dit is om te gee.
Ek het ook geleer dat sodra ons die beginsel van gee en ontvang vasgryp, ons Hom altyd moet vra waar ons moet gee en die geleentheid moet oopmaak om te gee. Ons moet altyd gee met die regte hart en motivering, nie net om iets terug te ontvang nie. Soos wanneer ons fokus op hoe wonderlik ons getuienis sal wees as ONS dit of dat doen, of as ek gee sal my huwelik herstel word, of ek gaan gee om my liefde vir iemand anders te bewys.
Gee, en vir julle sal gegee word:
‘n goeie maat, ingestamp, geskud en propvol,
sal in hulle in julle hande gee.
Met die maat waarmee julle meet,
sal ook vir julle gemeet word.”
—Lukas 6:38
Dankie vir die deel liefste Adina, dis so mooi. Dis so waar dat ons vlees wil vashou, ek het met iets die gevoel gekry om te gee, maar toe voel ek nee dalk moet ek nie en toe lees ek wat jy hier geplaas het. Toe weet ek net dit is ‘n bevestiging dat ek moet gee.