♕Belofte van vandag: "Moet oor niks besorg wees nie, maar stel in elke situasie, deur gebed en smeking, met danksegging julle versoek aan God. En die vrede van God, wat alle verstand te bowe gaan, sal julle harte en julle sinne bewaar in Christus Jesus." Filippense 4:6-7
~Datyah in Suid Afrika
My liewe susters, waar begin ek? Ek prys my Geliefde HM (my Hemelse Man) dat hy daar is vir my en my kinders. 'n Paar weke gelede het ek hulle laat gaan en hulle in die arms van my HM gegee, want Hy sal beter vir hulle sorg as ek, en omdat die vyand my kinders as 'n sneller gebruik het om my uit die oog te laat verloor wat ek tot dusver geleer het. Selfs al is hulle jong volwassenes, hou 'n ouer nooit op om bekommerd te wees oor hulle nie en wil hulle beskerm van enige skade of emosionele pyn. My seun is 23 en my dogter 2. Alle eer aan God dat Hy in my dogter se hart werk en haar diep geraak het, en ook my!
So drie weke gelede het ek uitgevind van die AV (die ander vrou). My AM (my aardse man) het gebieg en toe vir my gevra om asseblief nie vir die kinders te vertel nie, want hy wou dit self vertel. Ek het dit gerespekteer en nie met die kinders daaroor gepraat nie. Intussen kon ek na my Geliefde HM (my Hemelse Man) gaan vir liefde en beskerming en Hy het my liefdevol deur die proses van vergifnis gehelp en vir my vrede gegee wat alle verstand te bowe gaan. Ek moet erken dit is nie altyd maklik nie en ek het baie ineenstortings gehad, maar my lieflingman was elke keer daar om my te kom haal.
Ek en my AM, saam met ons dogter bly steeds in dieselfde huis. Ons dogter is dus bewus van haar Pa se kom en gaan. Gisteraand het haar pa die AV (die ander vrou) gaan besoek, ek het vir haar 'n leuen vertel oor waarheen hy gegaan het. Later het my dogter gesê sy is nie "stupid" nie en sy weet dat daar iets tussen haar pa en die AV aangaan en dat hy vir haar gaan kuier het. (Die AV was 'n vriend van ons familie, so my dogter het ook opgemerk iets gebeur tussen haar pa en die AV). Ek het toe uitgekom en gesê sy is reg, en dat haar pa gebieg het dat hulle in 'n verhouding is. Ek kon die seer en die pyn in haar oë sien. Ek het met haar gedeel oor vergifnis en hoe die Here genesing in ons harte bring wanneer ons vergewe. Sy was nie gereed om te vergewe nie.
Net voor haar pa by die huis gekom het, het sy na haar kamer gegaan en tot die Here geroep. Sy was kwaad en baie seergemaak. Maar PTL (prys die Here)!! Daar in haar donkerste plek het Hy haar in Sy arms geneem en haar vrede gegee. Hy het haar Filippense 4:7 gegee. “En die vrede van God wat alle verstand te bowe gaan, sal julle harte en sinne bewaar in Christus.” 'n Vrede het oor haar gekom wat inderdaad alle verstand te bowe gekom het, het haar hart oorgekom. Al die woede en pyn het haar verlaat en sy het dit in haar hart gevind om haar pa te vergewe. Toe my AM by die huis kom, het sy 'n gesprek met hom gehad. Ek het in my kamer gebly om hulle spasie te gee. My AM het bitterlik gehuil en vir haar gesê dat hy weet dat hy die drie belangrikste mense in sy lewe (myself en sy twee kinders) seermaak het, maar hy weet nie hoe om daaruit te kom nie. Prys Die Here! My dogter het net stilgebly en geluister (ek het met haar gepraat oor 'n stil en sagte gees by 'n vorige geleentheid) Toe my AM klaar gepraat het, was al wat my dogter vir hom gesê het “Pa ek is steeds lief vir jou,en ek haat jou nie "Prys die Here !! Prys die Here!! My dogter het gesê, sy kon die verwarring in sy oë sien.
Ons HM (Hemelse Man) is wonderlik. Hy het beheer oor hierdie hele situasie geneem en my dogter liefgehad deur hierdie baie seer situasie. Ons moet alles los! Nie net ons AM (aardse man) nie. Gee ons HM volkome beheer oor ons hele lewe! Hy sal vir dit alles sorg. Dankie my liefling!!
"Moet oor niks besorg wees nie, maar stel in elke situasie, deur gebed en smeking, met danksegging julle versoek aan God. En die vrede van God wat alle verstand te bowe gaan, sal julle harte en julle sinne bewaar in Christus Jesus." Filippense 4:6-7
Ons kan net daardie vrede by die Here vind.
Volg #Datyah, Follow #Datyah
Datyah is 'n tiende vennoot. Leer meer.