"Ek sal U 'n offer van danksegging bring en die Naam van die HERE aanroep." P116:17
Lees asseblief hierdie pragtige getuienis wat Adina geplaas het in 2023 oor haar seëninge en dit laat my dink aan die liedjie tel my seëninge een vir een... Sy vertel ook hoe sy besluit het om gehoorsaam te wees aan Hom en haar tiendes en offergawes te betaal, iets waarmee ek altyd geworstel het voor ek by RMI aangesluit het, want ek kon net nie uitwerk hoe ek deur die maand sou kom as ek dit moes betaal nie, maar hier is ek vandag en ek voel ook dat ons kosbare Liefling Here die vensters van die Hemel vir my oopgemaak het. En dit was ook altyd 'n onderwerp waaroor ek nie juis wou praat nie, maar vandag wens ek meer het met my oor die belangrikheid daarvan gepraat, want ons kosbare Here wil vir ons die venster van die Hemel oopmaak.
Lees meer oor Tiendes: https://uiteindelikhoop.com/mylpaal-1-tiendes/
So kosbare vrou ek wil jou aanmoedig, dat maak nie saak hoe mismoedig jy dalk mag voel nie, tel jou seëninge een vir een en deel dit met ons ook asseblief in die kommentaar afdeling.
Ek dink nou, die oomblik wat mens jou seënige opnoem verskuif dit nogal mens se fokus en mens besef hoe baie jy geseënd is…
Hierdie getuienis is baie mooi want baie van ons het hierdeur gegaan, ek weet dat ek iemand is wat gedink het oor wat ek sou doen as ek my tiende betaal toe my inkomste so min was, totdat ek begin het, en hoe dit die vensters oopgemaak en vermeerder het. so baie dinge, dit het my soveel moontlikhede gewys en nou deel ek daardie ervaring as my getuienis van tiendes.