"Moenie bang wees nie, want Ek het jou losgekoop, Ek het jou op jou naam geroep – aan My behoort jy. As jy deur water moet gaan – Ek is by jou, of deur riviere – hulle sal jou nie oorspoel nie. As jy deur vuur moet gaan – jy sal nie geskroei word nie, en die vlam sal jou nie brand nie." Jesaja 43:1-2
Liewe Bruide, ek het onlangs ontdek dat daar natuur staproetes is so 3km weg van waar ek woon. Ek het altyd geweet daar is 'n natuurreservaat, maar ek was nie bewus van die staproetes nie, my kinders se tennisafrigter het my daarvan vertel. So, Donderdag het my Geliefde my gelei om die kinders te neem en een van die roetes te gaan stap. Daar is verskillende roetes, afhangende van hoe ver jy wil stap. So, ons het een van die korter roetes geneem net om dit uit te probeer. Tans is dit winter hier in Suid-Afrika, so die gras is bruin en dood, maar die inheemse bome se blare is nog groen. Dit was 'n pragtige dag met die son wat geskyn het en die temperatuur was so 20 grade Celsius.
Terwyl ons gestap het, het my Geliefde vir my iets gewys wat ek met jou wil deel. Alhoewel die gras tans bruin en dood is, is daar nog steeds skoonheid in wat ons gesien het. Hy het my herinner aan wanneer ons deur moeilike tye gaan, of winterseisoene, is ons geneig om te kyk na al die slegte, al die "lelik" wat ons omring. Maar as ons ons oë op ons Geliefde hou, en op Hom fokus, nie kyk na wat ons in die vlees kan sien nie, sal Hy ons die skoonheid wys selfs in ons winterseisoene. En hoe meer ons op Hom fokus, hoe meer sal ons die skoonheid (doel) sien en vrede en vreugde ervaar te midde van dit waardeur ons gaan.
Gedurende die winter word al die dooie gras in die veld gebrand om die veld voor te berei vir die somer, dit dra nie by tot die skoonheid van wat jy kan sien gedurende die winter nie. So, nog iets waaraan Hy my herinner het, is die seisoene waardeur ons in die lewe gaan, gedurende ons winterseisoene gaan ons deur verfyning, al die slegte, onnodige goed in ons lewens word afgebrand, alles ter voorbereiding vir ons somerseisoene; ons word voorberei en geestelik volwasse gemaak vir wat Hy vir ons beplan het wanneer ons somerseisoen aanbreek.
Ons moet altyd onthou dat ons gedurende daardie moeilike tye, gedurende ons winterseisoene, ons oë van ons situasies moet afhaal en ons oë gevestig moet hou op ons Geliefde, ons moet Hom toelaat om vir ons die skoonheid te wys in waardeur ons ook al gaan, ons moet Hom toelaat om ons te verfyn en ons voor te berei vir die wonderlike planne wat Hy vir ons het, want net soos in die natuur eindig die winter, die lente kom en dan die somer, MAAR soek altyd die skoonheid wat Hy vir jou wil wys in elke seisoen.
Ek wil hierdie lesse met jou deel wat Hy sopas op my hart gelê het:
Hoofstuk 5 ”Dit is SO die Wag Werd”
Hoofstuk 9 “God Se Wagkamer”
Dankie vir hierdie pragtige getuienis kosbare Adina en dat jy ons herinner om ons oë van ons omstandighede af te hou en gefokus te bly op ons kosbare Here. En ek weet dis so maklik om ons oë op ons omstandighede te hou en die skoonheid in daardie “winter” seisoen mis te kyk. Ek het ek het jare gelede toe my aardse man my gelos het, my oë so op my omstandighede gehou en die mooi nie eens raakgesien nie, maar vandag kan ek getuig dat die winter nie verewig aanhou nie en dit maak so groot verskil as ons, ons oë net op die Here hou.
Dankie dat jy hierdie mooi lof gedeel het Adina. Dit is waar, as jy jouself in moeilike tye bevind (soos ek die laaste week) kyk ‘n mens net vas aan die slegte dinge.
Gisteraand huil ek by die Here, ek praat veral met hom oor my wag tydperk en in vanoggend se lof deel jy twee hoofstukke wat God op jou hart gele het, een van hulle is: GOD SE WAGKAMER – God het my gehoor.
1 JOHANNES 5:14-15 AFR83
[14] En nou kan ons met vrymoedigheid na God gaan, omdat Hy ons gebede verhoor as ons enigiets volgens sy wil vra. [15] En aangesien ons weet dat Hy ons gebede verhoor as ons iets só vra, weet ons ook dat ons kry wat ons van Hom vra.
Dankie!
Liefste Mila, om te wag is baie moeilik, en partykeer raak ons ongeduldig en wil dinge in ons eie hande neem, net om ‘n gemors van alles te maak.
Maar soos die lesse oor wag deel; daar is redes hoekom ons moet wag, en as ons die wagseisoen kan omhels en ons oe op Hom gevestig hou, dan kan ons dit selfs begin geniet om te wag, wetende Hy het alles onder beheer en Hy IS besig om te werk.
Ons wonderlike Here hoor jou beslis kosbare Mila. Ek is so jammer dat jy jou die afgelope week in ‘n moeilike tyd bevind het, weet net die Here gaan vir jou deurkom.
Mila asseblief lees hierdie Lewenslesse, wat my so geraak het – https://loveatlast.org/living-lessons/week-89-superheroes-using-superpowers/ asook hierdie lewensles om ons opleiding in ons vertroue te gee – https://loveatlast.org/living-lessons/week-90-trust-training/
Dankie vir die pragtige prentjie Adina. Die belofte wat jy gedeel het, gee my hoendervleis elke keer as ek dit lees. Soos jy beskryf kan ek net die prentjie in my kop sien. Ek voel ek saam met jou deur die pragtige natuur stap.
Ja, somtyds maak ons van die wag ietsie angstig wanneer dit eintlik iets is wat ons kan waardeer en net geniet.