♕Belofte van vandag: "Julle is die sout vir die aarde. Maar as sout verslaan het, hoe kry 'n mens dit weer sout? Dit is niks meer werd nie. Dit word buitekant weggegooi, en die mense vertrap dit." Matteus 5:13
~ Atarah in Suid Afrika
Liewe Bruide, ek het vanoggend vir my Liefde gevra wat om in my lofverslag te skryf, en Hy het iets in my gedagtes gebring wat ek voel Hy wil hê ek moet deel. Hy het my gewys hoe belangrik dit vir ons is as ons eers Sy Bruid word om ander vroue aan te moedig om op dieselfde manier te lewe. Hoe belangrik dit is vir ons om die Bybelse beginsels te ken wat ons hier geleer het sodat ons ander vroue kan bedien. Dit gaan nie net oor ons en ons reis nie, sodra Hy ons genees en vrygemaak het, moet ons voortgaan om sout te wees sodat ons daardie Bybelse beginsels met ander vroue kan deel.
Ek sien ook vroue wat deel is van hierdie bediening wat in die middel van hul eie huwelikstryd is, deur baie moeilike situasies gaan en ander vroue aanmoedig ten spyte van hul eie stryd omdat hulle 'n HM (Hemelse Man) het en hulle die beginsel van lofprysing in ALLE situasies geleer het en dan is hulle in staat om om te draai en Sy liefde in ander se lewens te saai!!
Hy het my herinner aan 'n Bruid wat vir my 'n boodskap gestuur het, sy was so gebroke omdat haar eksman gedreig het om haar kinders weg te neem. Dit is nie altyd maklik as kinders betrokke is by huweliksprobleme nie en vir ons om vir 'n ander Bruid te sê om te laat gaan en die situasie en haar kinders vir haar HM te gee is nie maklik nie, want dit is ons kinders, ons harte.
Bruide ons kan nie selfsugtig wees en altyd net fokus op ons eie reise en ons eie stryd nie, daar moet 'n tyd in ons reis kom wanneer ons deur meeste van die kursusse wat hier aangebied word gewerk het, dan is ons genees as gevolg van Sy woord wat genees. Dan kan ons die ouer wyser vrou wees om vroue wat seerkry te onderrig en aan te moedig. Ons het almal verskillende talente en gawes wat Hy vir ons gegee het en as ons GS (God Soek) en Hom vra, sal Hy vir ons wys hoe Hy wil hê ons moet dit gebruik om vroue te bedien en aan te moedig .
Die bruid wie se eksman gedreig het om haar kinders weg te neem? Haar HM (Hemelse Man) het die situasie omgedraai! Ek het 'n boodskap van haar gekry om te sê dat sy haar tiende en ekstra offergawe stuur, 'n saad wat sy oor die situasie saai. Nie lank nadat sy haar tiende gestuur het nie, het ek nog 'n boodskap van volle lof gekry, en die Here geprys en gesê dat "God dit vir my kinders gedoen het, Halleluja"!!! Haar VM (voormalige man) het die skoolgeld vir die kinders vir die kwartaal betaal en hy het ingestem dat hulle by haar bly!!! \o/
Sekerlik het HY die vensters van die hemel oopgemaak om haar te seën!!
Wanneer ons ons kinders leer is hulle ook geseën, my dogter het sopas haar 15de verjaardag gevier en soveel geskenke ontvang, en sy is finansieel geseën. Selfs 'n brief wat met die hand geskryf is van 'n vriendin wat sulke mooi dinge sê. Al leef ons jongmense in 'n baie korrupte wêreld en gaan met soveel invloede skool toe, het ons 'n groter invloed op ons kinders om hulle te leer om ander lief te hê, om saggeaard, vriendelik, vredebewaarders te wees, om ander hoër as onsself te ag, om te vergewe wanneer ander hulle seermaak, om te weet hulle het 'n Vader in die Hemel wat hulle liefhet en vir hulle sorg.
Ek wil my Liefde bedank dat Hy dit aan my dogter voorsien het, dat Hy vir haar gewys het hoe lief Hy haar het deur al die seëninge wat sy vir haar verjaarsdag ontvang het!!
HY was nie net goed vir my nie maar goed vir my familie en die vroue wat Hy in my lewe ingebring het!! \o/ En daarvoor wil ek Hom loof en dank!!
"Net so moet jy ook vir die ouer vroue sê hulle gedrag moet dié wees van mense wat 'n heilige lewe lei. Hulle moenie kwaadpraat of aan drank verslaaf wees nie. Hulle moet goeie raad kan gee, sodat hulle die jonger vrouens kan leer om liefdevol teenoor hulle mans en kinders te wees, verstandig en kuis, goeie huisvrouens, onderdanig aan hulle mans. Dan sal die woord van God nie in diskrediet kom nie." Titus 2:3-5
"Julle is die sout vir die aarde. Maar as sout verslaan het, hoe kry 'n mens dit weer sout? Dit is niks meer werd nie. Dit word buitekant weggegooi, en die mense vertrap dit." Matteus 5:13
Atarah is RMI se Evangelis Tak Direkteur
Volg #Atarah Follow #Atarah
Atarah is 'n tiende vennoot. Leer meer.