Dag 8 Skeisaak Aanhangig Gemaak

Intimiteit

Sodra jy begin om te verander, en die twisgierige vrou met ‘n stil en sagmoedige gees te vervang, en ook te laat gaan van jou man, sal jy Goeie Vrugte begin sien. Gou sal dinge begin omkeer tot die punt dat jou eks-man moontlik sal wil begin om weer intiem met jou te wees. Die absolute ergste ding wat jy kan doen is om te maak asof jy nog getroud is en met jou eks-man te slaap.

Toe my man my gelos het, en na ‘n jaar vir my vertel het dat hy deur die ander vrou gedruk word om my te skei, het ek na God toe gegaan met dit wat vir my vertel het, wel, sou deurgaan. Hy het my egter verseker dat dit nodig was vir die getuienis. Nie lank daarna nie het Hy my begin voorberei op die “verandering” in my situasie. Toe ek begin verander het, het ons intimeit weer begin al was ons uitmekaar en het hy saam die ander vrou gebly. Maar toe die egskeiding deurgegaan het, het die Here vir my gesê, dat as ons weer intiem sou wees, dit sou wees soos twee persone wat nie getroud was nie—en dit sou verkeerd wees!

My gesukkel het begin om te weet of ek hom moes waarsku oor hoe dinge sou verander, maar ek het geweet dat hy dit sou sien as ‘n taktiek om hom te probeer kry om die egskeiding te stop, so ek het die beginsel in Spreuke 17:28 gevolg “As ‘n dwaas nie praat nie, kan selfs hy aangesien word vir ‘n wyse.”

Omdat ek nie die egskeidingsverhoor bygewoon het nie, maar by “afwesigheid” verloor het, was ek nie seker of die egskeiding deur gegaan het of nie, so ‘n dag of twee na die hofdatum, het ek my man gevra of dit toegestaan was. Toe hy gesê het dat dit toegestaan was, het ek geweet om NIE weer intiem met hom te verkeer nie, nie totdat ons weer wettiglik getroud was nie. Dit het nie gegaan oor my man of my eks-man nie, maar oor God.

Die redenasie dat ons “in God se oë” getroud was, is ‘n lokval uit die put van hel. Baie vrouens wat gebruik en misbruik is en nooit wettiglik getroud is nie, gebruik dieselfde leuens—vrouens wat lelik daardeur seergemaak word. Ek het geweet dat God my wou beskerm en dat ek aan my hemelse Vader behoort het, wat nie sou wou hê het dat ek gebruik word nie. Hy wou gehad het dat ek rein bly en wag vir my eks-man se hart om teruggedraai te word na my toe en weer met my te trou.

So later daardie dag toe my ex-man gesellig met my begin word het, het ek geweet dat ek iets sou moes sê. Ek het weg van hom af beweeg en hom vertel dat aangesien ons nie meer wettiglik getroud was nie, ons nie meer intiem kon verkeer nie. In die begin het hy gedink ek maak ‘n grap, maar toe hy begin besef het dat ek ernstig was, het hy begin om die gedeelte in Die Skrif van “een vlees” aan te haal. Ek het egter vir hom gesê dat ons nie wettiglik getroud was nie en dat ek die wet gehoorsaam moet wees, net soos voor ons getroud was.

Berustend, het hy gesê dat hy my besluit sou respekteer maar het nogsteeds voortgegaan om my te soen. Ek het weggetrek van hom af en hom laat weet om dinge te STOP voordat dit te ver gaan en dat dit reg vir hom sou wees omdat hy terug gaan na sy woonstel toe waar iemand vir hom gewag het om mee intiem te verkeer (die AV), maar dat ek alleen agterbly en niemand gehad het nie. Dat om te hartstogtelik te word te moeilik sou wees en dat net ‘n vinnige hallo en totsiens soen was wat ons van nou af sou doen.

Ja, dit is toe dat hy uitgestorm het, net soos ‘n tienerseun wie se meisie nie seks met hom wou hê nie, maar ek het geweet dat dit deel van God se plan was om my te herstel. Ek het onthou wat my ouma gesê het, dat “mans nie die koei sou koop terwyl hulle verniet melk kon kry nie.” Ek wou weer trou en nie net ‘n owerspeelster soos die AV word nie, so ek wou nie net ingee nie. Maar raai wat? Dis toe dat my eks-man begin het om agter my aan te loop!! Hy het so soetsappig begin, dat ek seker was dit was om my weer terug in die bed saam hom te kry, maar ek wou nie ingee aan my toewyding om rein te bly en te wag tot ons weer getroud was nie.

Wat as jy alreeds met jou eks-man geslaap het?

Soos met alles, is dit nooit te laat in God se oë om Hom en Sy Woord te begin vereer nie. Begin reg daar waar jy nou is en volg die waarheid van Sy woord wat sê “die waarheid sal jou vrymaak.” Wees eerlik en erken dat jy nie meer wettiglik getroud is nie; daarom is dit verkeerd om met enige man intiem te verkeer.

Laat weet jou eks-man oor jou nuutgevonde skuldbevinding en maak dan baie seker dat jy jouself nooit in die situasie plaas waar dit ooit weer kan gebeur nie. Bly weg van hartstogtelike soene af en selfs as jy nie in die omtrek is (of wanneer hy is) moenie flieks kyk wat daardie passie in jou sal aanvuur nie. Gedurende die tyd wat ek my weerhou het van intimiteit, het ek baie gevas, wat my gehelp het om my vleeslike begeertes dood te maak. Maar wat my die meeste gehelp het was om hom nie te soen of naby hom te kom nie, wat gemaak het dat my eks-man my selfs meer wou hê! 

~~~~~~~~~

Liefste Erin, soos jy en almal wat my uit my Bio ken, het ek in dieselfde slaggat geval deur met my eks-man te slaap nadat ek na die opname: “Sex and the Stander” geluister het toe hy weer begin omkom het—en hy het my gou weer gelos vir ‘n ander vrou. Ek hoop almal leer uit hierdie groot fout wat ek gemaak het. Ek persoonlik glo dat die enigste manier om hierdie lokval van die vyand te vermy, is om die beginsel van “laat gaan” te volg en aan die Here “vas te klou” en Hom as jou Man te neem.

Hierdie onderwerp (laat gaan) en die slaggat om te verlang na “verbode vrugte” kon makliker op sigself ‘n hoofstuk gewees het, omdat daar so baie getuienisse is wat hierdie beginsel bekragtig wanneer dit gevolg of ignoreer word. Mag julle geseën word wat hierdie diepsinnige waarhede gedeel het om ons van vernietiging te help red. Ek wens net ek het dit voorheen geweet en gevolg en as ek dit gedoen het, is ek seker dat ek nie nou nog vir herstel sou wag nie, dat dit alreeds sou gebeur het!

~Helen

En omdat dit ‘n moeilike onderwerp is, word dit ook in die V&A boek gedek.

VRAAG: Die egskeiding het deur gegaan so, natuulik, gaan intimiteit nie gebeur nie?

ANTWOORD: As die egskeiding deur gaan het, is intimiteit verbode TENSY jy geskei wil bly. As jy jou eks-man wil hertrou dan moet jy doen wat reg is sodat God jou sal eer en jy Hom sal eer.

VRAAG: [Staat: Kalifornie. Huidige Huweliksstatus: geskei.] My man en ek het geskei maar het weer terug bymekaar gekom (ek het met my twisgierige houding my huis afgebreek). Ek het geloop en later besef dat dit ‘n fout was, maar dit was te laat, hy wou my nie terug gehad het nie. Nadat ek julle boek en werkboek gelees het, het God begin beweeg, ons het mekaar begin sien en met mekaar gepraat. Nou is ek swanger en hy is ontsteld en kwaad en wens ons het nooit weer met mekaar begin praat nie. Wat doen ek nou? Bly ek weg? En laat hom afkoel of moet ek nog steeds ‘n vrou vir hom wees? Hy wil selfs hê dat ek ‘n aborsie moet kry…

ANTWOORD: Jy moet hom tyd gee deur vir ‘n rukkie apart te bly. Bid dat God sy hart na jou en die baba toe sal terugdraai. Jy het genoem dat jy geskei is, toe weer terug bymekaar. Het jy weer getrou, of was jy nog steeds geskei toe julle weer intiem geraak het? Ek is seker in die boek wat jy gelees het, dat sodra ‘n egskeiding plaasgevind het, jy nie intiem moet wees nie. Wanneer ‘n regter beslis dat jy nie meer getroud is nie, moet ons gehoorsaam, “Elke mens moet hom onderwerp aan die owerhede wat oor hom gestel is. Daar is immers geen gesag wat nie van God af kom nie, en die owerhede wat daar is, is daar deur die beskikking van God” (Rom. 13:1). Ek het baie tragedies gesien wanneer dit oortree word. Daar is nagevolge vir die oortreding van God se Woord, selfs al was dit onwetend. “My volk gaan onder omdat hulle nie aan My toegewy is nie” (Hos. 4:6).

As jy intiem was terwyl jy geskei is, moet jy dit voor die Here bely. Bid dan vir ‘n geleentheid om voor jou man te bieg. Onthou wanneer jy met hom praat, om in te stem, met ENIGE IETS wat hy sê, of bly stil. (Matt. 5:25) As hy jou weer vra om ‘n aborsie te kry, sê vir hom dat jy daaroor sal moet bid. BID DAN!! Aangesien julle nie meer getroud is nie, word daar nie van jou VEREIS om onderdanig te wees nie. Toe jou man van jou geskei het, het hy daardie voorreg verloor, so die baba is in geen gevaar nie.

Wanneer ‘n vrou ‘n begeerte het om haar huwelik te herstel, onderwerp sy haar self GEWILLIGLIK. Dit is haar keuse om dit te doen as ‘n voorbeeld van haar geloof dat haar huwelik herstel sal word. Dit is wat ek gedoen het. Nietemin, as ek gevra was om teen God te sondig, soos wat jy gevra was om te doen, sou ek nie gewilliglik myself onderwerp het nie. Nietemin, ‘n vrou wat getroud is moet in ALLE dinge onderwerp, en vertrou dat die Here haar getrou sal uitlewer—omdat Hy getrou IS!!! “Soos die kerk aan Christus onderdanig is, moet die vrouens in alles aan hulle mans onderdanig wees” (Efe. 5:24). Selfs al is ons mans ongehoorsaam aan die woord soos Abraham was. “Vrouens, julle moet aan julle mans onderdanig wees. As daar van julle is met mans wat nie die woord van God glo nie, en die mans sien hoe godvresend julle is en hoe voorbeeldig julle julle gedra, sal julle vir Christus gewen kan word deur die gedrag van hulle vrouens. Dit sal nie eens vir julle nodig wees om ‘n woord te sê nie. Sara, byvoorbeeld, was aan Abraham gehoorsaam en het met eerbied na hom verwys... as julle doen wat goed is en julle nie deur dreigemente laat afskrik nie, is julle haar dogters” (1 Pet. 3:1-2,6).

VRAAG: My man het in Julie van my geskei. Voor ons geskei was, was ek en hy nog steeds intiem. Ek het gewonder of ek hom moet verwerp indien hy nou intiem sou wou raak. Ek is verward daaroor omdat Die Skrif sê “ons is saam gevoeg tot die dood” maar dan is daar egskeidingspapiere wat deur die mensdom ingestel is. Wat verdring die ander? In my hart voel ek nie om van hom geskei nie maar ek is seker dat dit is hoe elke vrou voel. Ek bekommer my dat sy begeertes die oorhand sal kry, omdat hy gesê het dat hy ‘n vasektomie wil kry sodat hy nie weer ‘n fout maak en nog ‘n baba verwek nie. Ek weet hy sien iemand en ek is seker sy sit druk op hom om intiem te wees. Wat beveel jy aan moet ek oor hom, myself en haar bid aangaande die situasie?

ANTWOORD: As jy die vrouens se herstelboek het, kan jy die antwoord aan die einde van die eerste hoofstuk vind. Basies is Die Skrif duidelik dat God ons as een vlees sien, maar Hy sê ook vir ons dat ons onder die wet is vir ons beskerming. Die wet wat sê jy is geskei; daarom, wettiglik is jy nie meer getroud nie.

Jesus het die wet gevolg deur belasting te betaal en Homself toe te laat om gevang en vervolg te word. Hy het Homself nie bo die wet geplaas nie; ons kan niks minder doen nie.

“Elke mens moet hom onderwerp aan die owerhede wat oor hom gestel is. Daar is immers geen gesag wat nie van God af kom nie, en die owerhede wat daar is, is daar deur die beskikking van God. Wie hom teen gesag verset, kom dus in opstand teen die ordening van God; en wie in opstand kom, sal sy verdiende straf kry. ‘n Mens hoef nie vir di owerhede bang te wees as jy goed doen nie, maar wel as jy kwaad doen. Wil jy sonder vrees vir die owerheid lewe? Doen dan wat goed is, en die owerheid sal jou prys, want die owerheid is ‘n dienaar van God tot jou beswil. Maar as jy kwaad doen, het jy rede om bang te wees, want die owerheid het nie verniet die reg om te straf nie. Hy is immers ook hierin die dienaar van God dat hy die kwaaddoener moet straf” (Rom. 13:1-4).

MEER Getuienisse

“Dankie dankie dankie ek het gedoen wat julle gesê het en kort daarna wou my eks met my slaap. Maar omdat ek God en Sy Woord wou vereer, het ek vir hom gesê dat ek is so jammer is, maar dat ek net nie kan nie. Soos julle gesê het, het hy alles probeer, toe het hy een oggend op die punt van die bed gesit en onbeheersd begin huil. Ek het teruggestaan en wou hom nie troos nie omdat dit kon lei dat ons intiem begin raak en ek het dit geweet. Dit het hom net nog meer droewig gemaak en hy het die ander vrou begin vloek wie hy gesê het hom gemaak het om van my te skei. Ek is nie seker of dit waar is nie, maar van daardie dag af praat hy aanhoudend oor hoe hy die ander vrou gaan los en ons praat oor trouplanne!! Hy wil my op die wittebrood neem wat ons nooit gehad het nie omdat hy ‘n deel van sy lewe mis wat ons as man en vrou gehad het!!—dit is soos ‘n splinternuwe begin. Toe hy eers begin praat het van weer trou, was dit net om hof toe te gaan en dit weer wettig te maak. Nou wil hy hê ons moet ‘n mooi troue hê met ons kinders, vriende en sy familie. Wow, doen dinge op die regte manier, God se manier, wat vol seëninge is wat ek myself nooit kon indink nie!!!”

Judy in Wisconsin

~~~~~~~~~