"Met baie praat bly die sonde nie uit nie; wie sy woorde tel, is verstandig." S10:19
Herstel Jou Huwelik, Hoofstuk 8 "Sonder Woorde" sê dat as iets ons pla, dat ons dit nie met ons eggenoot moet bespreek nie en eerder vir ons kosbare Geliefde Here moet vra om met ons eggenoot te praat.
Ek moet erken ek wou altyd alles uitpraat wat my gepla het en glo my dit het dinge net erger gemaak. Ek dink as my eggenoot die woorde gehoor het: "kan ons asseblief praat" het hy al begin hardloop. Vandag kan ek getuig dat as ek stilbly en met enige situasie waaroor ek ongelukkig is, eerste na ons Geliefde Here toe gaan, voel ek in elk geval beter en Hy weet net wat om daarmee te maak.
En moet glad nie dink ek kry dit 100 persent reg nie, want ek doen nie, ons kosbare Geliefde Here is nog besig met my, maar ek kan wel sê elke keer wat ek nie stilbly nie, is ek so spyt daaroor.
Sjoe lees hierdie vers: "As iemand dink hy is godsdienstig, maar hy hou nie sy tong in toom nie, bedrieg hy homself. Sy godsdiens is waardeloos." J1:26 So kosbare vrou kom ons vertrou ons Geliefde Here om ons te help om net eerder stil te bly.
