Dag 8 Man Weer Getroud

So jou Man is Weer Getroud—
En Jy Voel Baie Alleen

Mag ons begin deur te sê dat jou situasie vir die meeste mense die ergste scenario is om God te glo vir ‘n herstelde huwelik. Maar dit is net omdat meeste mense geen idee het wat jou huidige huweliksstatus werklik beteken nie. Dit beteken dat jy nou in die BESTE moontlike situasie is om die Oorvloedige Lewe te leef en te ervaar!! 

En hier is nog goeie nuus...

Die statistieke vir ‘n eerste huwelik om in egskeiding te eindig, is meer as 50% in die die kerk, die tweede huwelik het meer as 80% kans om in egskeiding op te eindig. En elke daarop volgende huwelik daarna—is die suksessyfer selfs minder as 20%. So, as jy bekommerd is omdat jou man weer getroud is, is daar ‘n baie groot kans dat daai huwelik nie gaan hou nie.

Fokus op GOD en jy het alreeds die oorwinning.

Die vraag is EGTER, nie OF dit moontlik is vir jou huwelik om herstel te word nie, aangesien Hy sê dat dit moontlik is:

Matteus 19:26
"Jesus het reguit na hulle gekyk en gesê: Vir mense is dit onmoontlik, maar vir God is alles moontlik.”

Markus 10:27
"Jesus het reguit na hulle gekyk en gesê: “Vir mense is dit onmoontlik maar nie vir God nie, want vir God is alles moontlik.”  

Lukas 18:27
"Daarop antwoord Hy: 'Wat vir die mense onmoontlik is, is vir God moontlik.”

Lukas 1:37
“Niks is vir God onmoontlik nie.”

Die vraag is HOEKOM jou huwelik nie net in egskeiding geëindig het nie, maar HOEKOM jou eks-man (weggehardloop) en weer getrou het?

Dit is waarop ons wil begin fokus. So as jy in staat is om jou gedagtes te HERNU met die beginsels in hierdie afdeling van die lesse, dan sal jy jouself nooit kan indink hoe vinnig jou herstel kan omkeer nie.

As jy gereed is, kom ons begin. Dit mag dalk brutaal klink, maar as jy uithou, is jy oppad na herstel soos geen ander!! Hier gaan ons...

Van jare se bediening aan vrouens (en mans) en om ‘n voorste ry sitplek te hê om te aanskou hoe huwelike wat na ons toe kom wanneer hulle uitmekaar is, aanbeweeg na skei, en die wat geskei is opeindig met hulle gades wat weer trou, is daar een algemene patroon wat dit veroorsaak het.

Dit is omdat hulle gefaal het om hulle huwelike en mans te LAAT GAAN, asook dan later die eks-man. EN die hoof rede het niks met die man te doen nie, dit is as gevolg van jou wat NIE aan God vasklou nie—die HERE is nie EERSTE in jou lewe nie. Jy mag glo Hy is, maar die vrugte spreek anders.

Aan Hulle Vrugte sal julle Hulle ken

Matt. 7:15-20 sê vir ons, “Aan hulle vrugte sal julle hulle ken”. Wat is sover die vrugte van jou staan, agterna te sit en sover nie jou man te laat gaan nie? Is jy enigsins nader aan herstel?

Hier is drie dodelike vrugte wat mag plaasvind wanneer jy voortgaan om “te staan vir jou huwelik” NA ‘n hertroue plaasgevind het.

1. Geestelike trots. “Die Farisieër het gaan staan en by homself so gebid: 'O God, ek dank U dat ek nie soos ander mense is nie: diewe, bedrieërs, egbrekers, en ook nie soos hierdie tollenaar nie. Ek vas twee…'" —Lukas 18:11-13. Het jy na ander wat nie in “verbondshuwelike” is nie as sondaars gekyk? Wanneer jy glo dat jou man se huwelik ongeldig is, omdat jy glo dat hy nog jou man is, dan verhef jy jouself bo ander, wat trots is. 

2. Ignoreer of minimaliseer die krag van God se gestorte bloed. Baie glo foutiewelik dat Jesus se bloed nie in staat is om die sonde van owerspel, wat veroorsaak is wanneer iemand skei en weer trou, te kan dek nie. “Of weet julle nie dat mense wat onreg doen, geen deel sal kry aan die koninkryk van God nie? Moenie julleself mislei nie: geen onsedelikes of afgodsdienaars of egbrekers...sal deel kry aan die koninkryk van God nie. En so was party van julle juis ook. Maar julle het julle sondes laat afwas, julle is geheilig, julle is vrygespreek in die naam van die Here Jesus Christus en deur die Gees van God.” —1 Korintiërs. 6:9-11

God doen en kan owerspel vergewe! “Toe sê Jesus: 'Ek doen dit ook nie. Gaan maar en moet van nou af nie meer sonde doen nie.’” —Johannes 8:11.

3. Deur ANDER te veroordeel, word die Oortuiging van die Heilge Gees op hulle lewens verhinder. Solank as wat jy jou man oordeel (en die ander vrou) en hulle beskou as die sondaar(s) en jou man se huwelik te veroordeel, dan sal die oortuiging nooit gebeur nie. 1 Tessalonisense 1:5 sê, “want die evangelie wat ons aan julle verkondig het, het nie bloot met woorde tot julle gekom nie, maar ook met die krag en deur die Heilige Gees en met volle oortuiging…”

3. God sê dat HY “my bekendes ver van my af staan en maak my vir hulle iets my afskuweliks” in Psalm 88:8. Dat HY “laat my vriende en bure ver van my af staan” in Psalm 88:19. Wanneer ‘n vrou voortgaan om haar man agterna te sit wanneer die Here hom verwyder het, beteken dit dat jy afgodery pleeg! Eksodus 20:3 sê, “Jy mag naas My geen ander gode hê nie.” Dit beteken geen ander god soos jou huwelik of jou man nie. 

God moet EERSTE in jou lewe wees. As Hy is en Hy het gekies om jou man van jou af te verwyder, dan sal jy konsentreer op jou verhouding met die Here eerder as om jou vorige man na te sit wat nou weer getroud is.

Dit is ‘n GOEIE ding om ongetroud te bly. Net voor my man huis toe gekom het (maar ek het geen idee dat hy naby was nie), het ek die sterkste begeerte gehad om ongetroud te bly. Nie omdat ek hom nie meer by die huis wou hê en my huwelik herstel nie, maar omdat ek gevind het dat ek nie ‘n man gehad het om te behaag nie, het my laat konsentreer om my Here en Redder te behaag!

“Vir die ongetroudes en die weduwees sê ek: Dit is vir hulle goed om ongetroud te bly soos ek.” —1 Korintiërs 7:8

“Ook die ongetroude vrou en die jongmeisie gee aandag aan die dinge van die Here, om na liggaam en gees aan Hom toegewy te wees. Maar die getroude vrou gee ook aandag aan die dinge van die wêreld, aan hoe sy haar man kan behaag. Dit sê ek vir julle beswil. Ek wil julle nie aan bande lê nie, maar ek wil hê julle moet in eerbaarheid lewe en in ONVERDEELDE toewyding aan die Here.” —1 Korintiërs 7:34-35

Kan JY tevrede wees om ongetroud te bly? As jy NIE kan nie, dan moet jy mooi kyk wie regtig EERSTE in jou lewe is?

Meeste van die vrouens aan wie ek bedien het, wie nog “staan” na ‘n hertroue plaasgevind het, is meer behep met hulle vorige mans as die wie se mans nie weer getroud is nie. Om hulle mans terug te kry blyk asof dit die belangrikste doel in hulle lewens is. Of jou man weer getroud is of nie, jou belangrikste doel MOET wees om ‘n diep verhouding met jou Here en Redder te hê. Hy moet eerste in jou lewe wees. Indien nie nou nie, WANNEER dan?  

Het jou strewe om jou huwelik te herstel veroorsaak dat jy struikel? Het dit veroorsaak dat jy geestelik arrogant geword het? Het dit afgodery geword? Het jy onvrugbaar geword in jou Christelike wandel as gevolg van jou begeerte na jou vorige eggenoot en vorige huwelik?

So wat is die oplossing?

Sny dit af, en Gooi dit weg van Jou af.

Matteus 5:29-30 gee ons die oplossing: “As jou regteroog jou laat struikel, haal hom uit en gooi hom van jou af weg; want dit is vir jou beter dat net een van jou ledemate verlore gaan as dat jou hele liggaam in die hel gegooi word. Of as jou regterhand jou laat struikel, kap hom af en gooi hom van jou af weg; want dit is beter at net een van jou ledemate verlore gaan as dat jou liggaam in die hel brand.”

Dit is tyd om dit af te sny—heeltemal! As jy enige van die "Be Encouraged" video reekse gesien of gehoor het, dan weet jy hoekom my man my gelos het en die ‘haat muur” nog op was, maar die Here het my gelei om hom te vertel dat hy vry was om te gaan.

Ja, dit was ‘n skrikkerige sprong van geloof. Niemand kon vir my sê hoe dit sou uitdraai nie. Ek het net geweet, as gevolg van die twee verse wat ek gedeel het en die gelykenis van die verlore seun, dat ek deur aan te hou “vashou” aan my lewe, ek teen God se Woord sal gaan aangesien…

Matteus 16:25 sê: "want wie sy lewe wil behou, sal dit verloor, maar wie sy lewe ter wille van My verloor, sal dit terugkry.”

Daarom, het ek besluit om te gehoorsaam ongeag die nagevolge en om my geloof en hoop totaal in God te plaas. Dames, dit was ‘n GROOT keerpunt in my lewe en my toekoms!

Is jy gewillig om jou lewe te laat gaan sodat jy die oorvloedige lewe wat God vir jou het kan vind? Ek sal jou grootliks aanbeveel om die Here na te streef oor wat ek met jou gedeel het, deur elke dag oor en oor elke Skriflesing te gaan. Dan as jy skuldig voel, om offisieel jou man te vry te stel!

Maar HOE?

Bid oor ‘n brief om vir jou man te skryf. Op hierdie manier, kan jy beheer hê oor wat gesê word en kan jy dit verskeie kere weer lees voordat jy dit stuur. Jy kan dalk iets soos dit stuur:

“Hallo, ek weet dat om aan jou vas te hou en te hoop dat ons weer terug bymekaar kom, dit druk op jou geplaas het en jou lewe ellendig gemaak het. Ek wil hê dat jy moet weet dat ek uiteindelik jou advies geneem het en stappe begin maak het om aan te gaan met my lewe.

Ek wil hê jy moet weet dat jy vry is om jou lewe te lei sonder om oor my bekommerd te wees. Ek is jammer oor hoe my obsessie dit vir jou moeilik gemaak het om tyd saam ons kinders (en kleinkinders) te spandeer. Ek wil hê jy moet weet dat dit alles verby is. Jy mag na familiebyeenkomste gaan sonder om te voel dat ek jou lewe oordeel of dat ek agter jou aan is.

As dit sal help, sal ek nie vir ‘n hele jaar na enige verjaarsdagvieringe of vakansies toe gaan nie om aan jou my opregtigheid te bewys en my begeerte om jou finaal die vryheid te gee wat jy vir te lank verdien het. Vergewe my asseblief omdat ek so ‘n dwaas was. Ek beplan ook om die huis te verkoop soos wat jy my so dikwels gevra het om te doen, om aan jou te bewys dat ek bedoel wat ek sê. Nog een ding, ek weet hoe moeilik dit vir jou was om jou vriende en jou kerk te verlaat. Ek beplan om na nuwe vriende en ‘n nuwe kerk te begin soek as nog ‘n manier van aanbeweeg. 

Erin"

Neem asseblief kennis: Moenie begin met “Liefste” of eindig met “Liefde” nie. MOENIE verklarings maak van “altyd lief vir jou” of selfs “hoop ons kan vriende wees” nie. Ook, moenie enige “klein praatjies” insluit of die kinders daarby inbring nie. 

*Gebruik wat van toepassing op jou situasie is uit hierdie voorbeeld en voeg by in ander areas waar jy voorheen GEWEIER het om te laat gaan. Bid ook of jy dit moet pos of dit per hand moet aflewer sodat jy weet dat hy dits al ontvang en NIE die nuwe vrou nie. Probeer om dit ook vir dieselfde redes nie te epos nie. 

Getuienis

‘n Vrou uit Kalifornië het aan my geskryf oor die herstel van haar huwelik. Dinge het goed verloop vir hulle albei en beide ek en sy was hoopvol dat haar huwelik spoedig herstel sou word. Op ‘n dag het sy egter deur ‘n vriendin gehoor dat haar man met die ander vrou getroud is. Moedeloos het sy vir my geskryf, “Wat nou?” Ek het met van wat jy sopas gelees het met haar gedeel. Sy het terug geskryf en my bedank. Sy het gesê die oomblik wat sy tevrede met God se oënskynlike wil vir haar lewe geraak het, en sy haar wil vir Syne prysgegee het, was sy in vrede en tevrede om ‘n enkel lewe te lei en nooit weer te trou nie (sy was in haar vroeë dertigs).

Binne ‘n jaar, het sy vir my geskryf en gesê dat haar vorige man haar gekontak het. Hy het gesê dat hy besef dat hy die grootste fout van sy lewe gemaak het! Dat hy en sy vrou alreeds uitmekaar is en ‘n egskeiding aanhangig gemaak was. Hy wou geweet het of sy dit sou oorweeg om weer met hom uit te gaan en of sy dit net sou oorweeg na hy wettiglik geskei is. Hy het vir haar gesê dat dit sy voorneme was om weer met haar te trou as sy hom wou hê! Sy was nie gevlei of borrelend nie, INSTEDE daarvan het sy hom gevra om haar NIE weer te kontak nie aangesien hy nog ‘n getroude man was. ‘n Paar maande later het hy haar weer gekontak, en gesê dat sy egskeiding finaal was, en hy het haar weer en weer begin vra om met hom uit te gaan. Uiteindelik het hy haar oorreed en hulle is weer getroud en verwag hul eerste kind.

Ek het die beginsel van om ‘n man HEELTEMAL te laat gaan, aan elke vrou wat na ons toe kom vir hulp gedeel. Maar selfs meer duidelik aan die wie se mans weer getroud was. So ver het almal behalwe een die beginsel van die hand gewys—almal behalwe hierdie een wat nou ‘n herstelde huwelik het. Hierdie EEN vrou was nog nooit by ‘n Verbond=gebaseerde bediening nie. Sy het nog nooit van “verbond” huwelike gehoor nie, ‘n term wat uit ‘n Skriflesing in Maleagi geneem is. In ons bediening, het ons nog nooit een man of een vrou gesien wat terugkeer na ‘n hertroue nie, behalwe hierdie EEN. Maar weer, laat ek beklemtoon, dit was die enigste

Toe hy alleen gelos was, het haar vorige man die volle impak van sy verkeerde besluit om met die ander vrou te trou gevoel. Hy het nie van sy vorige vrou gesien of gehoor gedurende die hele tyd wat hulle uit mekaar was nie, hy moes haar opspoor om haar te vind (hulle het nie kinders gehad nie). Ek sê dit vir die wat bang is om te laat gaan, met die vrees dat God nie in staat sal wees om die persoon terug te bring sodra hulle vry is om te loop en nie agterna gesit word nie.

Die ander rede waarom dit gewerk het, is omdat dit in ‘n man se natuur is om agterna te sit en harder sal probeer as hy glo dat hy dit nie kan kry nie! Vrouens en selfs jong meisies is nou die wat die agternasit doen en word mishandel en misbruik as gevolg daarvan! Dit is onnatuurlik. Dink aan sport, jag en die mededigendheid van mans. Hulle hou van ‘n uitdaging en verloor gou belangstelling, en beweeg aan na die volgende uitdaging.

Hoekom word JY nie jou man se uitdaging nie? Wees dit wat hy agternasit—maar moenie speletjies speel nie! In plaas daarvan streef God na, nie deur meer godsdienstig te wees nie, maar in ‘n vervulde verhouding wat jou sal laat STRAAL soos wat Hy jou van BINNE verander! En sodra die transformasie kompleet is, belowe ek jou dat jou man daarvan sal hoor selfs al probeer jy om dit ‘n geheim te hou. God sal SY ONTHULLING op die perfekte oomblik orkestreer wanneer jy die mees stralendste is, en nadat die ander vrou bitter en snydend geword het.

Spreuke 5:3-4 “Die slegte vrou se lippe drup van die heuning, haar tong is gladder as olie, maar agterna is alles so bitter soos wildeals; sy is so gevaarlik soos die skerpste swaard.

Psalm 34:5 “Dié wat swaar kry, sien op na Hom en straal van blydskap.”

Daar is baie getuienisse hieronder wat jou sal aanmoedig om God toe te laat om jou te verander deur Sy liefde en deur te laat gaan en getrou aan Hom te word!! Maar eers...

Vroeër het ons die vraag gevra HOEKOM jou huwelik nie net in egskeiding geëindig het nie, maar HOEKOM jou eks-man (weggehardloop) en weer getrou het? 

Dit is waarop ons wil begin fokus. So as jy in staat is om jou gedagtes te HERNU met die beginsels in hierdie afdeling van die lesse, dan sal jy jouself nooit kan indink hoe vinnig jou herstel kan omkeer nie.

As jy gereed is, kom ons begin. Dit mag dalk brutaal lyk, maar as jy uithou, is jy oppad na herstel soos geen ander nie!! Hier gaan ons…

Van jare se bediening aan vrouens (en mans) en om ‘n voorste ry sitplek te hê om te aanskou hoe huwelike wat na ons toe kom wanneer hulle uitmekaar is, aanbeweeg na skei, en die wat geskei is  opeindig met hulle gades wat weer trou, is daar een algemene patroon wat dit veroorsaak het.

Dit is omdat hulle gefaal het om hulle huwelike en mans te LAAT GAAN, asook dan later die eks-man. EN die hoof rede het niks met die man te doen nie, dit is as gevolg van jou wat NIE aan God vasklou nie—die HERE is nie EERSTE in jou lewe nie. Jy mag glo Hy is, maar die vrugte spreek anders.

Om nie te laat gaan nie en ook voort te gaan asof jy getroud is wanneer dit kom by intimiteit. Daar is egter geen beter manier om herstel te voorkom deur met ‘n eks-man te slaap nie.

Aan Hulle Vrugte sal julle Hulle ken

Matt. 7:15-20 sê vir ons, “Aan hulle vrugte sal julle hulle ken”. Wat is sover die vrugte van jou staan, agterna te sit en sover nie jou man te laat gaan nie? Is jy enigsins nader aan herstel?

Wat is die vrugte van jou wat voortgaan om te maak asof jy getroud is wanneer jy in werklikheid nie is nie? Miskien deur intiem met jou eks te wees, al praat hy daarvan om die AV te los en weer met jou te trou, gebeur sy beloftes nooit nie—is jy bereid om op hierdie manier te lewe?