"Wat julle ook al doen, doen dit van harte soos vir die Here en nie vir mense nie." K3:23
Lees asseblief hierdie gedeelte uit Vind Die Oorvloedige Lewe, Hoofstuk 3 "Die Liefde Van My Lewe":
Wanneer hulle getrou aan die Here is en aanhou om net agter Hom aan te hardloop, sal hulle straal met die glans van ‘n nuwe bruid solank as wat hul getroud is! En solank as wat hulle die Here agternasit, en nie hulle mans nie, sal hulle mans hulle agternasit (maar hulle nooit verbysteek nie) omdat hulle harte gevestig sal wees op Jesus! En as hulle hul harte na hulle mans toe draai, sal hulle mans verseker hul harte wegdraai om ander dinge na te jaag (die wêreld, ‘n AV, stokperdjies, buite vriendskappe of werk).
Terwyl ek hierdie hoofstuk gelees het, het ek besef hoe ek die verkeerde een se hart nagejaag het jaar na jaar. Alhoewel ek verskriklik baie foute gemaak het, was dit vir my ongelooflik belangrik om my eggenoot se hart teruggedraai na my toe te kry, so erg dat dit later 'n obsessie vir my geword het. En hoe meer ek dit wou hê, is dit asof dit my grootste struikelblok geword het, want hoe minder het ek sy hart teruggedraai na my toe gekry.
Kosbare vrou ek hardloop agter die Here aan, moenie die foute maak wat ek gemaak het nie. Die skrywer sê dat sy glo dat as vrouens ophou om mans agterna te sit, dat mans ongemaklik sal begin word en dat dit wat hulle agternasit in die wêreld nie meer dieselfde opwinding sal hê nie.
Lees asseblief ook hierdie pragtige gedeelte uit die Hoofstuk uit:
Ek glo ook as ons kosbare Beminde weet dat Hy ons harte het, Hy met genoeë sal begin om die harte van ons mans terug te draai na ons toe en hulle sal warm op ons spoor wees! Ek het dit in my eie lewe gesien gebeur, asook in die lewens van die dames in ons kerk wat hierdie kragtige konsep begin verstaan en uitleef!!