Lewensles Week 35

Bygevoegde Vrees

“Dit is toe dat ek Hom hoor sê (nie die eerste keer nie) “moenie vrees by die mengsel voeg nie” en ek het met die karringmelkbeskuitjies wat ek sopas gemaak het, my verbeel wat sou gebeur as ek swart ink in die mengbak sou gooi en dit dan sou meng!

Enige tyd wat ons “vrees” byvoeg by die pyn wat ons in ons liggaam voel of ons dra by tot ‘n besluit of ‘n gedagte wat ons het, voeg ons in wese swart ink by—wat dit donker, vieslik en moeiliker maak om te hanteer.”
~~~~~~~~~~~
Hierdie is vir my so perfekte beskrywing wanneer ons vrees by die mengsel voeg, wat dit donker, vieslik en moeiliker maak om te hanteer.

Eers het ek getrek vanaf ‘n plek waar ek glad nie eers wou trek nie, en ja vir ‘n oomblik het ek begin vrees vir wat die toekoms inhou, maar glo my toe word dit moeiliker om die hele trek situasie te hanteer. En al wie my net weer rustigheid kon gee, was die Here. Ek het vir die Here my vrese gegee en gevra dat Hy dit hanteer en glo my Hy het dit gevat en vir my daardie onbeskryflike vrede gegee wat net van Hom af is.

Hierdie week het my pa ‘n beroerte gehad, nie eens twee weke na ons getrek het nie en daar kom die vrees toe weer, maar die keer het die Here my geleer dat as dit voel of ek begin sink dat ek net na Hom toe moet uitroep en dis onbeskryflik hoe die Here oorvat. Ek is so ongelooflik dankbaar om die Here, my wonderlike Hemelse Man, reg langs my te hê, Hy is so gretig om ons te help. Net Hy kan ons daardie onbeskryflike liefde en vrede gee en ja ons kan ten spyte van die omstandighede reg rondom ons, rus in Hom.