“Aan Hom wat deur sy krag wat in ons werk, magtig is om oneindig meer te doen as wat ons bid of dink." E3:20
Na die die lees van Leef Die Oorvloedige Lewe, Hoofstuk 9 het ek besef dat ek nooit in 'n miljoen jaar sou dink dat ek sou sê dat dit die moeite werd was om deur so baie seer te gaan nie en dat ek nou die punt van alles verstaan.
Die eerste keer toe my aardse man my verlaat het vir hierdie pragtige blondine met die mooiste oë, het ek gedink ek is die grootste verloorder ooit. Glo my, ek het nie net lelik gevoel nie, ek het ook soos 'n verloorder gevoel. En toe ek uiteindelik my herstelde huwelik kry, het ek gedink ek gaan soos 'n wenner voel, (ek het seker vir 'n kort oomblik toe hy weer 'n ring aan my trouvinger gesit het), maar toe dinge na normaal begin terugkeer, het ek het steeds daardie leë gevoel gehad en nee ek het nie soos 'n wenner gevoel nie. Toe dinge weer nie uitwerk nie, het ek gevoel wat die punt van alles is. Ek het gevoel asof ek net bestaan het met geen doel nie.
Maar ons wonderlike kosbare Here het my nie sommer so gelos nie en Hy het my na RMI gelei om Sy bruid te word. Sjoe na al die jare verstaan ek nou die punt van alles! Ons as vroue is gemaak om ons kosbare Here se bruid te wees, Hy moet die rede vir ons bestaan wees. En ja my Liefling Here het vir my meer gegee as waarvoor ek ooit kon vra (ek het die LMF vir die Afrikaans geword: UiteindelikHoop.com - en Hy het my 'n passie gegee om gebroke vroue te help om hul doel en genesing in Hom te vind).
So wat is die punt? Die punt is, solank ons Hom het, is ons wenners! Ja, ek het die lewe verloor wat ek gedink het ek so nodig het, maar ek het soveel meer bygekry met my Liewe Hemelse Man. So kosbare vrou ek wil jou aanmoedig om jou rede vir jou bestaan by ons kosbare Here te soek.
Janine ek het ook soos die verloorder gevoel, asof ek nie goed genoeg is nie; nie mooi genoeg nie, nie “fun” genoeg is nie, ag en die lys gaan net aan en aan. Maar nou na paar jaar op my reis het ek besef ek is eintlik die wenner want ek het my Hemelse Man gekry, die beste Man wat enige vrou ooit kan he.
Dankie dat jy dit met ons deel oor hoe jy ook soos die verloorder gevoel het kosbare Adina, maar ja ons is wenners want ons het ons kosbare Here as Hemelse Man gekry.
Dit is so waar wat julle sê. Ek het net so gevoel. Asof ek die een is wat aan die kortste end trek. Nou besef ek dat ek die een is wat die GROOTSTE PRYS ooit gewen het. Ek het ‘n wonderlike verhouding met ‘n fantasties Man en Vriend en dit is so lekker om te weet dat ek die kop is en nie die stert nie.
Ja kosbare Yvonne, ons het die grootste Prys ooit gewen. Kan jy glo ons lewens het so verander, van huil na hoop toe!