Week 40 “Vra Net”

Verlede week het ek afgedwaal en ‘n belofte gedeel wat jou ‘n groot hoeveelheid frustrasie kan spaar—om jou in perfekte vrede te hou—deur te verduidelik dat Selfsugtige Ambisie = Wanorde. Hierdie week wil ek graag iets deel wat elementêr blyk, iets wat ons as bruide sekerlik instinktief doen, en tog—ontdek ek dikwels nadat ek met iets gesukkel het—ek het eenvoudig vergeet om te Vra. Om Hom eenvoudig te Vra.

Vir die afgelope paar weke het een van die dierbaarste van alle bedienaars deur groot beproewings en valleie in haar persoonlike lewe gegaan. Ek het vir haar bietjie bemoediging in haar virtuele kantoor gelos in die vorm van hoe ons HM die deure oopgemaak het om haar bediening uit te brei en dat ek wou hê dat sy ‘n kort verwelkoming vir haar bruide moes skryf, waarop sy geantwoord het, “Ongelukkig het ek niks om te sê nie. Ek kan eenvoudig nie op hierdie oomblik skryf of enige iemand bemoedig nie. Ek voel leeg, ek is moeg: (Die probleem is nie God of my herstel nie, ek weet Hy kan dit doen en sal dit sekerlik binnekort doen, selfs al vind die egskeiding plaas (soos wat my man versoek het). Maar ek moet bieg, ek wil nie meer herstel hê nie. Ek kan dit nie hier verduidelik nie. Lekker geseënde naweek)”.

Ons was al almal daar, was ons nie? Ons is leeg, moeg en het niks meer om te gee nie. Ons is uitgemergel. Die onbekende, die onuitgesproke, dit is alles net te veel. Tog, daar is iets wat ek kan onthou wat nooit misluk het om my te verfris en my te laat ontslae raak van die laste wat die oorsaak vir my moegheid is en dat ek nie in staat is om aan te gaan nie. Dit is so eenvoudig as om vir my HM ‘n reeks vrae te vra.

Die Vrae wat ek Hom vra, snaaks genoeg—ken ek die antwoorde op! En tog, deur onsself eintlik elkeen te hoor vra en dan Sy antwoord te hoor, laat dit ons gedagtes en harte rus.

So hier is ‘n reeks vrae wat ek mag vra as ek te staan kom voor wat ons bedienaars deurgemaak het:

“Liefling, my Lief, is U daar!

“Ja, Ek is hier.”

“My Lief, wat kan ek doen om my te help om aan te gaan?”

“Vertrou My.”

“Liefling, ken U die uitkoms van hierdie hangende egskeiding?”

“Ja, en dit sal vir jou ten goede uitwerk, my Bruid. Vertrou My. Ek het jou meer lief as wat jy ooit kan dink of droom ek doen.”

“Liefling, is dit reg dat ek nie meer herstel wil hê nie? Is U teleurgesteld in my?”

“Wat my vreugde bring is dat jy My en My liefde bo alles en enige iemand anders wil hê.”

Teen hierdie tyd voel ek vol vrede maar ek stop nie. Soos wat Hy my aanhits, gaan ek voort om vrae te vra, om Sy antwoorde te hoor—en elke bekommernis, las of vraag wat ek het by Hom te los en elkeen is vervang met Sy gefluisterde waarhede. Ek word met verheugde saligheid gelos! En sou die vyand my met enige iets wat ek met my HM bespreek het tart, herinner ek myself eenvoudig aan Sy antwoord voordat enige ou laste my beetkry.

Meer as ooit, is my passie om elke vrou te bemoedig om haar HM te vind, nie net in naam nie, ook nie net as ‘n godsdienstige ervaring nie—maar ‘n intieme verhouding. ‘n Verhouding wat sal veroorsaak dat sy dieselfde soort gesprek het as wat ‘n bruid met haar Beminde, haar Bruidegom, sou hê.

Ja, natuurlik, sal dit in die begin vreemd voel, dit mag dalk belaglik of disrespekvol lyk (Hy is immers die Seun van God) en tog—dit is nie net wat in jou lewe sal verander nie—hoe jy lyk en voel sal verander. Dit is die tipe verhouding wat jou Beminde hunker om met jou te hê! Dit is die soort glans, die glimlag, die vrede wat ook almal rondom jou sal lok om te wil Hê Wat Jy Het.

Jesaja 30:18—
“Tog is die HERE gretig om julle genadig te wees en wil Hy Hom oor julle ontferm.”

Vandag, nou dadelik en weer wanneer jy vanaand bed toe gaan, voer ‘n soortgelyke gesprek met jou HM. Dan nadat jy dit gedoen het, vra Hom om jou te herinner om ‘n lofverslag oor jou ervaring in te dien. Vra Hom om jou te herinner om dit ook met ‘n ander bruid of voornemende bruid (iemand wat jy ken wat net nodig het om bemin te voel!) te deel—waaroor ek meer in volgende week se Lewende Les sal deel.