Week 3 “Hy Lei My”

Een van my absolute gunsteling plekke om my tyd deur te bring, is om die boek van Psalms te lees. En een van my absolute gunsteling Psalms is Psalm 23. Dit kan selfs die enigste een wees wat jy uit jou kop uit ken, of ten minste een wat jy moontlik gehoor het. 

Psalm 23 (AFR53 Vertaling)

Die HERE is my herder; niks sal my ontbreek nie.

Hy laat my neerlê in groen weivelde;

na waters waar rus is, lei Hy my heen.

Hy verkwik my siel;

Hy lei my in die spore van geregtigheid, om sy Naam ontwil.

Al gaan ek ook in 'n dal van doodskaduwee,

ek sal geen onheil vrees nie; want U is met my:

u stok en u staf dié vertroos my.

U berei die tafel voor my aangesig teenoor my teëstanders;

U maak my hoof vet met olie; my beker loop oor.

Net goedheid en guns sal my volg al die dae van my lewe;

en ek sal in die huis van die Here bly in lengte van dae.

Psalm 23 in die “AFR53 Vertaling” is baie poëties in die boek van Psalms en is die een wat ek dikwels op my indeks kaarte geskryf het.

Volgende, alhoewel daar eindelose Lewensbeginsels is, verborge juwele, in hierdie ses lyne van Psalm 23, is daar is DRIE eenvoudige woorde waarop jy hierdie week moet fokus:

HY LEI MY.

Die manier om ‘n noue en intieme verhouding met die Here te ontwikkel is wanneer jy besef net hoe naby Hy aan jou is. En deur eenvoudig hierdie DRIE woorde te sê: HY LEI MY, sal jy ‘n nuwe lewenswyse begin ervaar.

Hier is nog twee verse wat die Lewensbeginsel bevestig wat ek hierdie week vir jou leer en wat jy by jou teiken verse moet voeg wat jy dag en nag oordink. 

Jesaja 30:21

Wanneer jy die regte koers verlaat, sal jy agter jou 'n stem hoor sê: “Hier is die pad, loop hierlangs.”

Johannes 10:27

"My skape luister na my stem; Ek ken hulle, en hulle volg My..."

Hierdie week se opdrag is om voort te gaan om verse by jou “teiken” of “sleutel” verse te voeg wat jy GETROU reg langs jou bed hou; lees hulle EERSTE wanneer jy wakker word en ook WEER net voor jy gaan slaap in die aand—met ander woorde—oordink hulle dag en nag!

En, selfs lekkerder: my “vreugde is in die woord van die HERE.” So in plaas daarvan om voort te gaan met “self-praat” wat nutteloos is, en ek glo verspot is (want hoe kan ons die antwoorde ken wat ons nodig het?), behoort jy die Here te VRA om jou te lei deur hierdie drie woorde te sê elke keer wanneer jy van plan is om die eenvoudigste of ingewikkeldste taak te doen, vandag en elke dag hierdie week. “HY LEI MY”