Week 21 “Slaap in die Storms”

Verlede week, nadat ek geoefen het hoe om vreedsaam te bly, het ek wakker geword om so ‘n bemoedigende getuienis te ontdek wat ‘n vrou ingedien het. 

Natuurlik het dit my dag so helder gemaak en ek het net gedink wat ‘n wonderlike vreedsame dag dit gaan wees! Dit is toe dat ek opgemerk het (nadat ek vir amper ‘n uur wakker was, nadat ek ‘n liedjie gesing het oor om Gelukkig te wees); ek het ‘n harde klapgeluid gehoor, ‘n weerligstraal gesien en ons huis het begin dreun. Ek het uitgevind dat ‘n storm al vir ure gewoed het! Tog, ek het heeltemal veilig gevoel en wat my verbaas het, was dat ek deur dit geslaap het! Selfs nadat ek wakker geword het, vir meer as ‘n uur, het ek glad nie geweet wat buite aangaan nie.

Beide Matteus 8:23-27 en Markus 4:35-41 gee vir ons ‘n verslag van wat gebeur het toe ons HM deur ‘n storm geslaap het—'n storm wat so massief was dat dit gedreig het om almal aan boord van die skuit waarop Hy was te verdrink. Voor jy lees wat ek te sê het, neem ‘n oomblik om hierdie verslae eers te lees en jou HM te vra om uit te wys wat Hy vir jou wil wys.

Toe ek dit gelees het, het Hy my eers daarop gewys dat wanneer Matteus sy verslag begin van wat gebeur het in vers 23, sê hy dat: “Toe Jesus in die skuit klim, het sy dissipels Hom gevolg.” As Sy bruide, het Hy my herinner dat elkeen van ons gekies het om ons HM te volg, en dat as Sy bruid, heeltemal “verlief” op Hom, wil ons gewillig wees om te gaan, maak nie saak waarheen Hy ons neem nie, en dit maak nie saak watter vervoermiddel Hy kies om ons daar te kry op ons HR “Herstel Reis” nie.

Toe toe ek Markus se weergawe van dieselfde storie gelees het, gee hy vir ons selfs meer inligting as hy verduidelik hoekom hulle in die boot was… “Jesus het voorgestel dat hulle na die oorkant toe vaar.”

Deur op ons eie herstel reis te reis, alhoewel ons dikwels verkies om te bly waar ons is, veral wanneer waar ons is uiteindelik gemaklik en kalm is, is beweeg na die ander kant van die gemak wat ons begin geniet het, die laaste ding wat ons wil doen. Tog, mag ek sê liewe bruid dat wat Hy vorentoe vir my en jou het, gaan altyd beter wees as dit wat Hy jou vra om agter te laat.

Vandag in die getuienis wat ek hierbo genoem het, het my verstom laat sit toe ek iets gelees het wat sy gesê het, iets wat Hy vir haar gesê het toe sy Sy antwoorde gesoek het, wat dieselfde ding was wat Hy amper ‘n jaar terug vir my gesê het!

Hoe dit gebeur het was ietwat vreemd. Daar was ‘n “skat” kissie wat langs my bed gestaan het (terwyl ons in ‘n korttermyn huurhuis in Florida gebly het terwyl ek ‘n paar van my kinders besoek het). En binne was ‘n fortuin wat eenvoudig gesê het, “Die beste lê nog voor,” dit is wat ek vanoggend in my epos gelees het. Sy het gesê, “EK HET NA JOU GELUISTER WAT MY ALTYD AANMOEDIGING GEE!!!! NOU IS DIT MY BEURT OM JOU OP TE BEUR!!! WEES AANGEMOEDIG, DIE BESTE KOM NOG STEEDS.”

Nou wil ek vir elkeen van julle iets oordra, want dit is wat Hy wil hê jy moet weet en duidelik oor wees...

“’Ek weet wat Ek vir julle beplan, sê die HERE: voorspoed en nie teenspoed nie; Ek wil vir julle ‘n toekoms gee, ‘n verwagting!”’ (Jeremia 29:11). Dan in die NLV sê dit, “’Ek weet wat Ek vir julle beplan het,’ sê die Here. ‘Ek beplan voorspoed vir julle, nie teëspoed nie [*hoe kan jy dit ooit dink?]. Ek wil hê dat julle hoop vir die toekoms moet hê.”! 

*Terloops, ek was die een wat bygevoeg het [hoe kan jy dit ooit dink?], omdat ek myself berispe het om te dink dat dit Hy was wat ander gebruik het om met my te praat, aantygings wat pynlik was. Hoekom sou Hy iemand anders gebruik wanneer elke oggend, elke oomblik gedurende my dag, Hy die een is met wie ek praat en na wie ek luister?! So hoekom sou Hy iemand anders gebruik om onvriendelik of hard te wees? Toe Hy in Johannes 3:17 gesê het (AFR 83), “God het nie sy Seun na die wêreld toe gestuur om die wêreld te veroordeel nie, maar sodat die wêreld deur Hom gered kan word.” wil ek ook hê dat jy dit sal oorweeg aangesien jy, ook, Sy lieflike bruid is. 

Om terug te keer na die punt van hierdie boodskap, wat is, as jy elke aand (of wanneer jy bekommerd is oor enigiets), by jou HM knuffel, sodat al is daar storms wat rondom jou woed, selfs tot by die punt waar almal rondom jou angsbevange word, kan jy veilig in Sy arms slaap, nie eens bewus dat daar ‘n storm IS wat woed totdat jy uitkyk vanaf jou veiligheid en die skade sien nie.  

Dit is wat Hy vir Sy bruid wil hê, reg? So eerder as om uit te hardloop in die storm in, ‘n storm wat niemand anders as HY kan beheer nie, wag en slaap selfs binne waar dit warm en droog is, opgekrul langs Hom. Op ‘n stadium, daarvan kan jy seker wees, sal Hy die storm berispe en stil maak, ‘n storm wat eens op ‘n tyd so gevaarlik voorgekom het.

Dit is weer tyd om nou te STOP (of ‘n afspraak vir later te maak) om te sela wat jy geleer het, met ander woorde, oordink alles. EN wees seker dat jy nie net dink oor wat jy geleer het nie, maar maak ‘n afspraak met jou Man om alleen saam met Hom te wees en VRA Hom om met jou te deel hoe hierdie boodskap op jou van toepassing is en enigiets anders wat jy Hom kan VRA. Sit dan stil en luister en hou jou liefde lewendig deur daagliks so te lewe.