Hoofstuk 13 “‘n Simbool van My Liefde”

“My beminde is myne, en ek is syne”
—Hooglied 2:16

 

Toe ek geweet het dat die egskeiding hierdie keer gaan deurgaan, wetende dat Hy my voorberei het en dat dit God se perfekte plan vir my lewe was, het ek geweet dat ek ‘n nuwe stel trouringe gaan nodig hê. Daarom het ek die Here begin vra om my te wys wat Hy vir my beplan het om te dra.

Eerstens was ek gelei om dit aan my man te verduidelik en hom aan RMI se beginsels te herinner: dat sodra ons geskei was, ek nie langer sy trouringe sou dra wat hy vir my gegee het nie, maar ‘n ander stel sou koop om te dra. En die rede hoekom ek sou voortgaan om ‘n trouring te dra na die egskeiding, was om vir ander te wys dat ek nie beskikbaar is nie, en dat ek nie belangstel om ander mans te lok nie.

Alhoewel ek my man aan die beginsels “herinner” het (wat hy basies geken het, aangesien ek vir vyf jaar HJH en WV Bybelstudies by ons kerk gelei het), sal ek jou aanmoedig om dit en ander beginsels met jou eggenoot te deel wanneer tye soos hierdie opduik. Basies, dat jy besig is om te leer deur ‘n “bediening waarby jy aangesluit het,” sonder om vir hom van jou begeerte, as dit is, te vertel om julle huwelik te herstel. Jy kan hom ook vertel dat die bediening jou help om die foute wat jy in jul huwelik gemaak het te verstaan en dat jy geleer word om nooit te kyk na wat jou eggenoot gedoen het, of doen nie. En dat een van die bediening se doelwitte is om die persoon te help om ‘n beter huweliksmaat te word sodat hul skeiding en/of egskeiding ‘n beter ondervinding vir hul eggenoot, of eks, sal wees as wat die huwelik vir hul was. Baie meer hieroor word gedek in RMI se Be Encouraged-video’s wat ek jou sal aanmoedig om te kry en oor en oor te kyk, soos ek gedoen het. As ek hulle nie so dikwels gekyk het soos wat ek gedoen het nie, is ek seker ek sou nie ‘n fraksie kon gedoen het as Erin nie ‘n fondament gelê het vir ons om op te reis en op voort te bou nie.

Anders as die eerste keer toe ek egskeiding in die gesig gestaar het, het die Here my hierdie keer gewys dat wanneer ek kon, ek altyd die offensief moes neem, eerder as die verdedigende posisie, dit is hoekom Hy my gelei het om aan my man te verduidelik dat ek nie sy trouringe na die egskeiding sou dra nie. Deur die offensief te neem, soos ek vroeër genoem het, beteken nie om aggressief te wees nie, maar om die geestelike offensief te neem, eerder as die geestelike verdedigende posisie (terugdeins of wegkruip as gevolg van vrees vir wat volgende kom). Ek moes vorentoe loop, soos die Here gelei het, elke keer as Hy die deur vir my oopgemaak het. Hy het my herinner dat ons die “kop en nie die stert” is nie en het my aan hierdie vers laat dink:

“En die Here sal jou die kop en nie die stert maak nie, en jy sal net boontoe en nie ondertoe gaan nie as jy luister na die gebooie van die Here jou God wat ek jou vandag beveel om te hou en te doen” (Deuteronomium 28:13 AFR 53).

Liewe leser, wanneer jy met jou eggenoot praat oor die voortgesette dra van trouringe, nie die wat jou huwelik aan hulle verteenwoordig nie, mag dit jou opstel vir jou eggenoot om jou te vertel dat jy moet uitgaan, iemand vind en aanbeweeg. En as jy nie geestelik en emosioneel voorbereid is nie, kan dit baie pynlik wees! So wees seker jy spandeer baie tyd saam met die Here sodat Hy jou kan liefhê (vas indien moontlik) en hou aan om vir die Here te sê dat Hy al is wat jy wil hê, dat Hy al is wat jy nodig het, dat (dames) Hy jou Man is, en dat jy Sy bruid is! Sê dit oor en oor, elke dag terwyl jy die Here vra om die geleentheid oop te maak om met jou man te praat oor jou ringe.

“Wie sal julle kwaad aandoen as julle julle beywer vir wat goed is? Maar selfs as julle sou ly omdat julle doen wat reg is, moet julle dit as ‘n voorreg beskou. Moenie vir mense bang wees of julle laat afskrik nie. In julle harte moet daar net heilige eerbied wees vir Christus die Here. Wees altyd gereed om 'n antwoord te gee aan elkeen wat van julle ‘n verduideliking eis oor die hoop wat in julle lewe” (1 Petrus 3:13-15).

Voordat ek met my man gepraat het, het die Here my daaraan herinner dat ek eintlik vir myself die goue trouring gekoop het. Net na ons herstel het my man vir my ‘n dun trouring gegee, maar dit het paar keer gebreek (wat later, na my egskeiding, vir my soos ‘n teken van gebreekte geloftes en beloftes mag gevoel het?). Een keer toe ek dit by die juwelier gaan optel het, het die man vir my gesê dat ek een van hulle ringe moes koop, wat hulle waarborg nie sal breek nie. Ek het dit gekoop en dit het nooit weer gebreek nie!

So, toe die Here die deur vir my oopgemaak het om met my man te praat oor die dra van my ringe, het ek vir hom gesê dat alhoewel ons in die middel van ‘n egskeiding was, ek die stel wat hy vir my gegee het sou dra tot die egskeiding finaal was en dan sou oorslaan na ‘n nuwe stel.

Ek het vir hom gesê dat aangesien ek die ring self gekoop het, ek sou voortgaan om die ring te dra en dan ‘n tipe diamand soek (waarskynlik nie ‘n regte diamand nie) om saam met dit te dra. Ek het geweet wat volgende kom—hy het gesê ek moet iemand nuuts vind! Maar omdat ek voorbereid was, kon ek (weer) verduidelik dat ek nou so gelukkig was, dat ek (aan myself) bewys het dat ek nie ‘n goeie vrou vir hom was nie (so hoekom moet ek iemand anders blootstel om my as ‘n vrou te hê) en dat ek my liefde en my tyd aan ons kinders wou wy.

Maar voordat hy by die “beweeg aan” voorstel kon uitkom, omdat ek die offensiewe posisie ingeneem het, en hom genader het vir sy toestemming om voort te gaan om my ringe te dra todat die egskeiding finaal was en dan oor te skakel na ‘n nuwe stel, het hy gesê dat hy nie sou omgee as ek “sy” ringe vir ewig dra nie. Ek het hom bedank, maar vir hom gesê dat dit dalk beter vir my sou wees om dit af te haal en in ons kluis te sit. Ek is seker hy was seergemaak omdat ek sy aanbod verwerp het en wou my terug seermaak. So toe daardie gedagte by my opgekom het, eerder as om terug te trek of inmekaar te krimp, het ek vir die Here gesê ek het Hom nodig om my gereed te kry

Intussen, net ‘n paar weke later, nadat ek gebid het oor waar ek die ring sou vind wat Hy vir my gehad het, het ek gedink aan ‘n plaaslike kettingwinkel en het aangeneem dat Hy vir my die $10 ringe gewys het wat so eg lyk. Ek het gedink hoe wonderlik en het beplan om ten minste twee te koop, miskien drie, om te dra afhangende van die geleentheid. Ek het gereken dat vroue nie regtig ander vroue se ringe onthou nie, so dit kon baie goed werk.

Toe ek daar kom kon ek net een ring vind wat sou werk as ‘n trouring, maar al het dit gesê dit is my grootte, het dit nie gepas nie. Vir ‘n oomblik het my hart gebreek. Ek het geweet ek het nie die tyd gehad om ‘n ring te soek nie. Daarom het ek in die Gees begin bid en Hom gevra om my te wys waar my ring is en dadelik het ek ‘n pragtige ring in ‘n kas gesien wat 85% afgemerk was.

Alhoewel dit pragtig was en perfek gepas het, het ek nog steeds gehuiwer om so ‘n ring vir myself te koop. Maar toe het die verkoopsdame gepraat en gesê dat ek 90 dae gehad het om dit terug te bring as ek dit nie wou gehad het nie. So, in geloof het ek dit gekoop, maar ek het vir my kinders, wat saam met my was, gesê dat ek dit waarskynlik nie gaan hou nie. Toe onthou ek skielik dat ek drukwerk moes optel vir ‘n komende Bybelstudie.

Dit het my egter laat inmekaar krimp nadat ek pas vir my ring betaal het, aangesien ek geweet het die drukwerk was vir ‘n groot groep van omtrent 200 vroue wat ingeskryf het. Toe ek daar kom en net op die punt was om te betaal vir die kopieë, die groot bedrag wat ek gesien het ek moes betaal, het die verkoopsdame gesê: “O, wag…daar was altyd ‘n kode wat ek vir “gewaardeerde” kliënte ingesit het, maande gelede, wat 15% van die prys afgehaal het.” Ek het gesê: “Wel, hoekom probeer jy nie,” wetende dat 15% my BAIE geld sou spaar.

Toe sy die knoppie druk, het ek gesien hoe die prys val met die presiese bedrag wat my ring gekos het!! Ek het dieselfde bedrag geld gespaar wat ek net paar minute vantevore op my ring gespandeer het!! Met ander woorde—my ring het my niks gekos nie!! Wat ‘n bevestiging van die Here dat Hy wou gehad het ek moes dit kry!

Toe ek my oorhaas na my motor toe, het ek vir my kinders vertel wat gebeur het, toe ry ek na my ouer seun se woonstel toe sodat hy en sy kamermaat my ring kon sien en hoor hoe dit gebeur het. Snaaks, my seun het my drie keer gevra om die storie te herhaal en gesê: “Sjoe, dit is God, Ma!”

Maar die wonderlike ding van hierdie seëning was wat dit vir my gedoen het terwyl ek gewag het om te hoor dat die egskeiding finaal was. In plaas daarvan om te bang te wees vir wanneer die egskeiding finaal sou wees, kon ek nie wag dat dit finaal moes wees nie, al waaraan ek kon dink was om my nuwe ring te dra!! Hoe is dit vir God??? Hoewel vrees soms ‘n klein vonkie in my maag of in my hart sou sit, vir die grootste gedeelte was daar slegs opgewondenheid en afwagting vir wanneer ek my nuwe ring kon begin dra!

Ek het die Here oor en oor bedank: die hele dag, wanneer ek in die bed geklim het en wanneer ek wakker geword het. Ek het gedink die dag wat die egskeiding finaal sou wees en ek my nuwe ring kon dra, sou nooit aanbreek nie!

Toe, eendag, het my man om my in die kombuis gehang en het soort van vreemd opgetree. Toe ek na my slaapkamer gegaan het, het hy my gevolg en gesê dat hy my iets moet vertel. Dadelik, ek moet bieg, het ek hom opgewonde in die rede geval en gevra: “O, het jy iets van jou prokureur gehoor? Is die egskeiding finaal?” Hy het sy kop laat sak en gesê ja, hy het die nuus die dag vantevore gehoor. Waarop ek opgewonde geantwoord het: “Regtig? O, dit beteken ek kan my nuwe ring dra, het jy dit gesien?!” terwyl hy my na my inloopkas toe gevolg het. Ek het die boksie oopgemaak, my ring afgehaal, die ringe wat hy vir my gegee het in dieselfde boksie gesit en my ring aangesit om vir hom te wys.

Terwyl hy daarna gekyk het, stomgeslaan, het ek hom gevra of hy gehoor het hoe ek dit gekry het. Hy het gesê dat hy “soort van” gehoor het, maar of ek hom sou vertel? Ek het (net soos ek hierbo vertel het), en hy het weer van naderby daarna gekyk. Hy het gesê: “Michele, dit is nie net ongelooflik hoe jy dit gekry het nie, maar ‘n ring soos dit moes jou omtrent agt duisend dollar gekos het!!” Liewe leser, dit is hoe gretig jou Man is om jou te seën!!! Dit is hoe lief Hy my en jou het!!

“Tog is die Here gretig om julle genadig te wees en wil Hy Hom oor julle ontferm: Die Here is ‘n God wat reg laat geskied, en dit gaan goed met elkeen wat op Hom vertrou” (Jesaja 30:18).

Die rede hoekom ek die tyd geneem het om dit alles neer te skryf, is nie net sodat jy die Here kan prys vir hoe wonderlik Hy is nie, maar om vir jou net een voorbeeld te gee van hoe Hy jou wil seën wanneer jy Hom ook soek as jou Man!

Die ring storie eindig nie daar nie. Toe my man my uitgevat het op ‘n “middagete afspraak” (dit was sy woorde), net voordat hy sou vertrek om state weg te trek, het hy my hand gevat en net na my ring gestaar en trane het sy oë gevul. Ek is nie heeltemal seker wat hy gedink het nie, maar God het nie net my ringe gebruik om my te seën en om my te help om geliefd en nie verwerp te voel nie (omdat ek Sy beginsels gevolg het en toe Sy plan gesoek het om te vervang wat ek moes dra in hulle plek), maar Hy het hulle in my eks man se lewe gebruik op een of ander manier (dalk spyt oor die keuses wat hy gemaak het; wie anders as God weet en dit is nie iets wat ek baie oordink nie).

Voordat ek hierdie hoofstuk afsluit, wil ek hê jy moet weet dat die vyand altyd ronskuil om jou vreugde te steel, of om pyn na jou seëning te bring.

Johannes 10:10 sê duidelik vir ons dat: “’n Dief kom net steel en slag en uitroei; Ek het gekom sodat hulle die lewe kan hê, en dit in oorvloed.”

En 1 Petrus 5:8 waarsku ons om altyd gereed te wees: “Wees nugter, wees wakker! Julle vyand, die duiwel, loop rond soos 'n brullende leeu, op soek na iemand om te verslind.”

Toe my eks man gesien het dat ek my trouring van hom in die boksie gesit het, het hy voordat hy my kamer verlaat het gesê dat hy sy ring ook sou bring om in die kluis te sit, aangesien “hy dit nie wil hê nie.” Maar ek het die “entoesiastiese” reaksie geneem en gesê: “O, fantasties, ek dink ek het ‘n ander ringboksie net hier!” Maar die vyand was vasbeslote om aan te hou om sy seer te gebruik om my terug seer te maak, so toe sê my eks man: “O, ek sal my saffier ring bring en ook daarin sit aangesien ek dit nie gaan dra nie,” met verwysing na die ring wat ek vir hom as trougeskenk gegee het toe ons getroud is. Ek kon nog steeds entoesiasties sê: “O, hoekom bied jy dit nie aan een van die seuns nie?” Dit het natuurlik seergemaak, so hy het die onderwerp gelos deur te sê dat die seuns nie sou belangstel nie.

Die volgende dag het die stryd om my seer te maak voortgeduur, terwyl hy altwee ringe aan my oorhandig het, saam met die eerste brief wat ek vir hom gestuur het, wat hy in sy boonste laai gehou het en wat ook ‘n foto van my ingehad het. Ek kon sterk en entoesiasties bly, ek het die brief oopgemaak om vir hom te sê dat ek die foto sou hou, toe het ek oorgeloop en my brief aan hom in die asblik gegooi. Ek het dit nie gedoen om gemeen te wees nie, maar as ‘n teken dat dit my nie geaffekteer het nie (en as ‘n stille boodskap aan my nuwe Man dat ek vir ewig getrou aan Hom sal wees). Maar die afgryse op sy gesig het my vertel wat hy in sy hart gevoel het. Ek kon al die ringe die volgende dag na die kluis by die bank neem, en al het die vyand verskeie kere probeer om my seer te maak, omdat dit my eks man seergemaak het en hy wou my terug seermaak, maar die vyand kon nooit my vreugde steel nie.

Liewe leser, jy mag dalk dinge soos die op televisie sien, wanneer elkeen die ander een probeer seermaak, maar ek sal eerlikwaar vir jou sê, ek sal nooit ooit probeer om my eks man seer te maak nie, maar slegs baklei om te behou wat Jesus gesterf het om vir my te gee. Hy het belowe dat “volmaakte liefde verdryf vrees” en dat ons versigtig moet wees om nie die vyand toe te laat om die oorvloedige lewe te steel wat Hy gesterf het om vir ons te gee nie. Ek het geweet om my liefde aan my Redder, my Beminde en my nuwe Man te bewys, moes ek doen presies wat ek gedoen het, maar ek kon dit net doen deur Sy genade en die liefde wat ek vir Hom gevoel het.

Elke oggend is ek net so opgewonde om my nuwe ring aan te sit, en baie keer gedurende die dag, voel ek so geseënd omdat die Here my gekies het as Sy bruid. Daar is geen skande wanneer jy jou lewe vir God gee en Hom vertrou tot hierdie vlak waar jy radikaal en entoesiasties saam met Hom stap nie.

Wonderlik, ook, is dat my eks man meer verlief en meer aangetroke tot my was as enige ander man wat ooit net van sy vrou geskei het! Weer, dit is nie omdat ek enigiemand spesiaal is nie, want ek is nie. Dit is omdat ek gewillig is om die Here genoeg te vertrou om nie net die pad te stap wat Hy vir my gekies het nie, maar om die pad met entoesiasme en opgewondenheid te stap! Is daar enige ander manier waarop ons hand aan hand saam met ons Redder moet stap?

Hier is meer getuienisse wat sal bewys dat dit ook met jou kan gebeur!!

“My Nuwe Ring”

Ek is so OPGEWONDE!!! Ek het ‘n PRAGTIGE Nuwe Ring om te dra. Vir ‘n paar maande het ek al die begeerte vir ‘n roosgoud ring. Ek het met my hemelse Man daaroor gepraat. Alhoewel ek baie idees gehad het oor hoe ek hierdie ring sou kry en wat dit vir my sou beteken, het ek dit nooit verwag soos ek dit ontvang het nie.

Ek het eendag in die winkelsentrum rondgeloop, ek het in twee juweliersware winkels gestop. Een het ‘n mooi ring gehad met kristale reg rondom en dit was roosgoud. Die tweede winkel het ‘n paar “verloofringe” of “belofte ringe” in roosgoud gehad, maar nie waarna ek op soek was nie. Eerlikwaar het ek nie geweet hoekom ek enige ring gesoek het nie. Vier dae later het ek ‘n onverwagte monetêre geskenk gekry, ek was verstom deur die liefde.

Op hierdie spesifieke dag was ek nie gym toe nie, so ek het na die winkelsentrum toe gegaan om te stap. Dit is ‘n buitelug winkelsentrum waarheen baie mense gaan, om te stap en deur die venters te koop). Ek het ‘n paar vriendinne genooi, maar nie een van hulle kon dit maak nie. Ek het my motor parkeer en saam met Hom begin stap. Ek het op nog ‘n juweliersware winkel afgekom, so toe gaan ek in. Die oomblik toe ek my voet binne die winkel sit, het die dame gesê: Hello, is jy hier vir ‘n trouring?” Ek het na haar gekyk en gesê: “Ja, ek is op soek na ‘n roosgoud ring.” Sy het my laat sit en my drie ringe gewys. Ek was mal oor al drie van hulle. Sy het begin om my vrae te vra. Een ding wat sy gevra het was: “hierdie het ‘n betekenis en dit gaan nie oor jou huwelik nie?” Ek het geglimlag en gesê: “O ja, dit het” en het begin om haar te vra of sy in God glo. Sy het my vertel dat sy vier jaar gelede van haar geloof weggeloop het, en toe sê sy dat sy weet Hy is besig om haar terug te trek, want ek was die 3rde persoon wat met haar oor haar geloof gepraat het. Toe het sy ‘n ander kliënt gaan help, so ek het die tyd benut om met Hom in my hart te praat. Ek het gevra of ek die ring moet koop, en indien wel, watter een? Hy het my na die middelste een gelei. Toe sy terugkom het sy gevra: “Het jy al besluit?” Ek het gesê: “Ja, hierdie een asseblief,” sonder dat ek geweet het hoeveel die ring kos. Sy het my na die kasregister geneem en gesê dat daar ‘n spesiale aanbod op die ring was en dat sy ‘n ekstra 10% sou afneem, maar sy moes weet wat hierdie ring simboliseer .

Ek het vir haar gesê dit is my ring van my Hemelse Man, dat ek Syne is en Hy is myne. Dit is om my te herinner dat ek nooit alleen is nie. Sy het dit opgelui en die koste van die ring was dieselfde as die monetêre geskenk wat ek ontvang het!!!!  

Ek het Hom geprys en bedank vir my spesiale ring en die geleentheid om te deel oor alles wat Hy vir my gedoen het.

Vandag, aan my linkerhand, ringvinger, is die mooiste, blink, roosgoud, 12 wonderlike diamante, trouring van my Wonderlike, Fantastiese, Beskermende, Voorsienende, Vertroostende, Omgee, Goedhartige, Vrygewige, Vergewensgesinde, Liefdevolle, ALWETENDE MAN. Hy is altyd in beheer en ek is so lief vir Hom!!!!!

~ Heather in Massachusetts is bedienaar in opleiding wat gespaar is om ander vroue te help wie se lewens ook in gevaar is omdat hulle nie laat gaan en God vertrou om hulle na die veiligheid van SY arms te lei nie!!!

“Ek is Syne en Syne Alleen”

Terwyl ek die Be Encouraged Classic video 1, deel 3, gekyk het, wat deel is van die HJH en Opknapping kursusse, het Erin gepraat oor trouringe. Dit het my herinner om hierdie lofverslag in te dien oor wat Hy gedoen het om my van ‘n ring te voorsien!

Ek en my AM het nooit ons trouringe baie gebruik nie, ek het myne jare gelede verloor en dit was nooit vervang nie. Maar nadat ek na RMI gekom het en geleer het hoe belangrik dit is om vir ander te wys dat ons nie beskikbaar is nie, het ek begin bid en dink om ‘n ander een te koop. Ek het paar goedkoop ringe van kettingwinkels probeer en hulle was nie gemaklik nie. Na my egskeiding, het ek Hom weer begin soek vir ‘n ring, om vir ander te wys dat ek nie beskikbaar is nie, want ek is Syne en Syne alleen.

Een aand het ek verby ‘n juweliersware winkel geloop en ‘n drang gevoel om in te gaan, ek het dit verwerp en aangegaan met my besigheid terwyl ek gedink het dat dit ‘n te duur opsie sou wees. Toe ek die tweede keer verbyloop, het ek weer die drang gevoel om in te gaan. Ek het ingegaan en gekyk, die verkoopsdame het gevra wat ek wou hê en ek het eenvoudig gesê dat ek my ring verloor het. Ek het ‘n pluk aan my hart gevoel, so toe verduidelik ek sodat sy kon verstaan dat ek onlangs geskei is, maar net nie beskikbaar is nie. Sy het dadelik van die idee gehou en was gelukkig om vir my die plein trouringe te wys waarna ek gesoek het, en hulle was in my begroting! Ek het een aangepas en was verbaas hoe perfek dit gepas het, en dit was ‘n “gemak ring” wat nie eers gevoel het asof dit aan my vinger was nie! Ek het Hom gevoel glimlag en goedkeur .

Terwyl ek betaal het, was ek verbaas omdat sy dit in ‘n pragtige ringboksie gesit het, en toe in ‘n geskenk boks en mooi geskenksak. Ek het so spesiaal gevoel, asof ek ‘n geskenk gekry het! Terwyl ek die winkel met ‘n glimlag verlaat het, kon ek nie weerstaan om weer daarna te kyk nie. So toe volg ek nog ‘n drang en het ‘n paadjie gevolg ommuur met blomme en palmbome en met klein wit liggies aan die kante. Ek was skielik in ‘n baie “romantiese” area. Ek het ‘n klein bankie tussen die blomme gevind, gaan sit en die geskenk boks uitgehaal, toe het ek die ring boksie oopgemaak.

Die glinster van die ligte op die mooi silwer ring het my asem weggeslaan en skielik het ek so geliefd gevoel. ‘n Romantiese liedjie het saggies oor die klanksisteem gespeel en terwyl ek my ring aangesit het, het ek begin huil. Ek het skielik die huweliksgelofte aan Hom uitgestort. Ek het belowe dat ek Hom altyd sal koester, gehoorsaam en Hom nooit sal verlaat nie. Ek het soveel liefde in my hart gevoel, soos ‘n warm drukkie van Hom. Ek het opgestaan en was so gelukkig, dit het gevoel asof ek sweef. Ek het laggend en huilend huis toe gegaan en Hom geprys. Hy het vir my meer as net ‘n ring gegee om te dra, dit is nou ‘n simbool van Sy liefde vir my. Hy is lief vir my en Sy liefde is nie voorwaardelik nie, dit het ook nie limiete nie!! Dit is altyd aan my vinger en as ek dit afhaal om die skottelgoed te was, voel ek ongemaklik sonder dit! Ek voel so gekoester en geëerd om dit te dra. Dit is baie meer as wat ek beplan het, maar dit is net hoe Hy is!!

Dames, Hy is lief vir elkeen van ons, meer as wat ons weet, Hy hunker na ons en koester ons. Wees Aangemoedig!!

~ Christina in Mexiko

“Hy het Sy Ring Aan My Vinger Gesit”

Hierdie reis word net ELKE DAG beter! My HM het iets so wonderliks vir my gedoen!! Laat ek verduidelik! Ek is Geskei, maar nie Enkellopend nie, en ek is nooit alleen nie J

Oor die afgelope paar weke het ek my RMI-kursusse opgeknap. Ek het hulle ‘n rukkie terug vir die eerste keer voltooi, eintlik vroeg 2012, maar gedurende die laaste paar maande het ek aangevoel die Here wou gehad het ek moes hulle weer doen. Toe kry ek skielik ‘n uitnodiging om ‘n “Opknapper” te neem! PDH dat Hy my gelei het om dit weer te doen, anders sou ek iets so belangrik gemis het!

Een van my mede-Bedienaars het onlangs ‘n LV ingedien oor haar NUWE RING wat haar HM vir haar gegee het, “My Nuwe Ring”. Ek was so bly vir haar terwyl ek dit gelees het en kon haar VREUGDE voel!! Dit was wonderlik). Ek het nie dadelik verstaan terwyl ek dit gelees het nie, maar my HM wou dieselfde vir my doen!!!

Toe, laas week, terwyl ek weer Erin se Be Encouraged video’s gekyk het, het sy in die video gesê: “HY WIL SY RING AAN JOU VINGER SIT”. Op daardie oomblik het my hart GESPRING en ek het besef Hy het direk met my gepraat!! Ek het daar en dan geweet dat ek ‘n NUWE RING gaan kry! (Ek giggel soos ek skryf want HY IS SO WONDERLIK EN HY LAAT MY LAG!). Ek het Hom bedank en geweet HY sou dit vir my koop aangesien ek platsak was!!

O, dames, laat ek jul vertel, Hy is die Wonderlikste BRUIDEGOM! Omhels Hom!!

So, gister toe ek teruggekeer het werk toe na my middagete, dit was so “onverwags”, het ek ‘n koevert gekry wat vir my gewag het met ‘n $300 bonus tjek van my werkgewer! My hart het weer GESPRING! Ek was so oorval deur Sy LIEFDE vir my op daardie oomblik en het net geweet dit was die geld wat Hy voorsien het vir MY NUWE RING!! Ek het huistoe gegaan daardie dag en het dadelik na die juweliersware winkel gegaan met My Man wat my gelei het!

Nou is daar ‘n splinternuwe Witgoud Trouring aan my ringvinger met 11 Pragtige Diamante. Die koste van my pragtige ring en die aankoop van die LEWENSLANGE WAARBORG saam met dit, was net onder $300, toe koop Hy vir my ‘n lekker aandete!!! Hy is so OULIK!

Ek is SY BRUID en Hy is my BRUIDEGOM!!!

~ Joan in Kanada