Dag 1 Verseker jou Sukses 1

Man se Meisie Het ‘n Droom

Een aand, het ek wakker geword met ‘n desperate gevoel om vir die AV te bid by wie my man betrokke was. Ek het desperaat hulp gesoek vir my huwelik en kort daarna het ek die Hoe God Jou Huwelik Kan en Sal Herstel boek en die werksboek vir vrouens gekoop en ek het ek dit oor en oor gelees. Ek het gelees hoe belangrik dit was om te vas, en omdat ek nie regtig in staat was om te eet nie (ek het heeltyd naar gevoel) het ek begin vas. Een aand het ek die grootste drang gehad om die gebede in die Herstel Jou Huwelik boek oor en oor te bid totdat die son opkom. Uitgeput, het ek vir ‘n paar ure aan die slaap geraak totdat ek ‘n kwaai telefoon oproep van my man ontvang het.    

Hy het gevra hoekom ek met sy meisie in aanraking gekom het! Geskok het ek heel eerlik gesê, “Maar ek het nie met haar in aanraking gekom nie, hoekom sou jy dink ek sou?” Natuurlik die oomblik wat ek dit gesê het, het hy dit natuurlik gedink. Ek het hom nagevolg en geteister voordat ek geleer het dat ek besig was om enige hoop te vernietig dat hy ooit weer vir my sou omgee. Ek het niks verder gesê nie, dit is toe dat hy vir my gesê het dat sy vriendin daardie oggend in die kantoor ingekom het en gesê het dat hulle “oor was!” En toe begin sy iets mompel van hom wat “oor sy vrou lieg” ek!

Hy het vir sy vriendin gesê dat ek hom nie meer wou gehad het nie, wat ver van die waarheid was, aangesien ek nie te gou was om hom te laat gaan nie. Ek het stil daar gesit en toe begin hy meer sê. Hy het gesê sy vriendin het nie opgehou om hom af te sê nie. Sy het ingemars en hulle verhouding aan hulle baas beken (en dit was teen kantoor beleid vir hulle om verhoudings te hê), en toe eis sy dat sy na ‘n ander kantoor oorgeplaas word of sy sou bedank.    

Ek was meer as geskok en dit was nie tot later toe ek tyd gehad het om oor alles te dink wat gebeur het nie, dat ek verstaan het hoekom God nie toegelaat het dat ek slaap nie, maar om te bid, en ook te vas vir die afgelope 3 dae, wat ek gelees het was vir guns. Vas was gedeeltelik om die houvas wat hierdie vrou oor my man gehad het te verbreek, en dalk vir guns sodat my man my sou vertel wat aangaan (asof ek weer sy vriendin was). Maar ek glo die hoofrede was sodat ek glad niks sou sê toe my man my geskakel het nie. In die verlede sou ek baie gehad het om te sê! So al het God vir my geveg, sou ek ‘n gat in enigiets goed skiet wat Hy vir my gedoen het met my groot mond.  

My man het aangegaan om met my te praat, maar nie een van ons kon verstaan wat gebeur het om so ‘n woede teweeg te bring nie. Uiteindelik, het my man die hele storie by ‘n medewerker gehoor. Dit lyk asof daardie selfde aand wat ek so ‘n nood gevoel het om te bid, my man se vriendin ‘n helder droom gehad het!! In die droom het sy gesê sy het my gesien “huil omdat ek my man wou terughê.” Ek het nie daardie aand gehuil omdat ek my man wou terughê nie. Ek het eintlik daardie aand gehuil omdat ek my Hemelse Man wou hê! Ek wou nie meer my huwelik herstel hê nie omdat ek net vir Hom wou gehad het.

So toe sy vriendin wakker word, was sy so geskud dat sy gedink het sy sou dit nie daardie oggend werk toe maak nie. Maar toe sy in die teekamer aankom, het sy ‘n ander vrou vasgekeer wat vir ‘n lang tyd daar gewerk het en gevra of sy weet hoe ek lyk. Toe sy my begin beskryf het, het sy vriendin begin skud en huil. Die beskrywing van my was presies soos sy my in haar droom gesien het! (Ek is gedeeltelik Asiaties met nogal ongewone gelaatstrekke en met ‘n ongewone haarstyl.) Dit is toe dat sy vriendin ingehardloop het en vir haar baas vertel het dat sy heeltemal “bang gemaak” was deur die hele ervaring en wou so ver as moontlik wegkom van my man af.

Toe my man alles van sy medewerkers en baas gehoor het, het hy ook bang geraak en het hy teruggekeer na God toe met ‘n nuwe en permanente “vrees vir God.” Die insident het hom totaal verander en hy het teenoor my en die kinders verander. Hy is ‘n man van God, uitverkoop aan Hom, toe hy nie lank gelede getwyfel het of Hy ooit bestaan.

Dankie vir alles, ek bid my getuienis sal ander vrouens net soveel aanmoedig soos wat julle bediening my aangemoedig het! Jammer dat dit so lank geneem het vir my om dit te stuur.

~Bunny in Mississippi, HERSTEL

Nou vir die volgende getuienis wat so ongelooflik is dat ek mal daaroor is om dit te deel!

Naby Noodlottige Ongeluk Het Veroorsaak Dat My Man Huistoe Kom

My man was nog altyd ‘n swaar drinker en het toe begin dwelms gebruik. My man het werk na werk verloor, wat beteken het dat ek gou die broodwinner van ons gesin geword het. Desperaat vir geld van sy eie, het my man dwelms begin smokkel. Een dag het ek net eenvoudig genoeg gehad, ek het vir my man gesê dat dit verby is en vir hom gesê om te loop.  

Na my man uitgetrek het, het ‘n vriendin vir my die boek Hoe God Jou Huwelik Kan en Sal Herstel gegee. Nadat ek dit ‘n paar keer gelees het, het ek ‘n Wyse Vrou werksboek bestel.

Nadat ek my man uitgegooi het, het ALMAL my vertel dat wat ek gedoen het die “regte” ding was. Maar toe ek die Bybelverse in Hoe God Jou Huwelik Kan en Sal Herstel gelees het, het daardie Bybelverse iets anders gesê. Ek het elke vers nageslaan en kon niks vind wat dit wat ek gedoen het, ondersteun het nie. Inteendeel het die Bybel gesê om ‘n man sonder ‘n woord te wen (en ek het baie gesê) en ook om aan hom respek te bewys. Deur hom uit te gooi en hom te verkleineer bewys geen respek aan hom as ‘n man nie en aan wie God gesê het ek my moes onderwerp nie. Dis it heeltemal anders van enigiets wat ek al ooit in al die Bybelstudies geleer het wat ek bygewoon het. Selfs my pastoor kon my geen bewys gee van wat hy vir my vertel het nie (tawwe liefde soort van ding), selfs al het ek hom gesmeek vir verse. 

Onder ‘n verskriklike swaar wolk van veroordeling, het ek geweet ek moes met my man versoen. Ek het die kerk gelos om nader aan die Here te kom, ek het my man om vergifnis gevra, wie my vertel het dat dit deur my goedhartigheid aan hom was dat hy (my goedhartigheid deur julle boeke te lees) vrywillig na ‘n rehabilitasiesentrum toe wou gaan. Ek was meer as in verwondering oor hoe kragtig die beginsels gewerk het, want voor dit kon niemand hom oortuig dat hy selfs 'n probleem gehad het nie, laat staan nog kies om behandeling te kry.  

Dinge het vir ‘n tydperk goed gegaan terwyl hy onder behandeling was, maar gou, kan jy glo het ek opgehou om my boeke te lees en teruggeglip in my ou gewoontes? Dit het nie lank geneem voordat my man teruggeglip het in sy ou gewoontes van dwelms en drank nie. Dit maak my siek om dit te sê, maar hierdie keer het dit veroorsaak dat hy owerspel gepleeg het. 

Eendag het het ek by die huis gekom en my man was besig om sy tasse te pak. Hy was besig om my te verlaat vir ‘n ander vrou! Die skok van sy koue verklaring was meer as genoeg vir my om terug te hardloop na God toe, Sy Woord en my Hoe God Jou Huwelik Kan Herstel boek, wat ek geweet het was gevul met al God se beginsels wat ek opgehou het om te volg. Ek het geweet dat my man ook begin het om te wees waar ek eens op ‘n tyd my hart en my fokus gedraai het. In die begin het dit so goed gevoel om weer so naby hom te wees, hom te aanbid soos ek eens op ‘n tyd gedoen het. Toe het hy minder in my begin belangstel, en het ek weer fout met hom gevind en gekorrigeer soos wat ek altyd gedoen het.    

Dit het baie vas en die hernuwing van my gedagtes geneem om weer my ware Liefde te vind om die verandering in my te voltooi—maar skielik het God uiteindelik om my onthalwe beweeg. Een aand het my man amper ‘n noodlottige motor ongeluk gehad. Dit het hom so baie geskud dat hy weer teruggehardloop het na God en na my en sy gesin. Dit het 5 jaar terug gebeur. My man en ek is gelukkig getroud en my man is ook aktief in ons plaaslike kerk.

~Natalie in Louisiana, HERSTEL

Ons het al gehoor van meer as een “naby noodlottige” kar ongeluk om die aandag van ‘n afgedwaalde man te kry. En baie meer getuienisse van dinge wat dit gekos het vir die vrouens om ook getrou te bly aan HAAR geliefde bruidegom.

’n Goddelike Afspraak

Van Erin...

Een Sondagoggend het ons predikant 'n paar lofverslae gelees. Die eerste een wat hy gelees het, het gesê: "'n Huwelik is pas herstel na drie jaar van glo en bid!"

'n Vrou het my in die altaarkamer (waar ons saam met nuwe gelowiges sou bid) opgespoor en vir my gesê dat dit die vrou is wat sy ses maande tevore na my toe gebring het. Die aand wat ek haar ontmoet het, was na 'n Woensdagaand gebedsbyeenkoms, en ek sal nooit vergeet hoe sy daar gestaan ​​en huil het en so verskriklik gebroke was nie. Sy kon nie eers praat nie, behalwe om tranerig te sê: "My man is al twee en 'n half jaar weg en woon saam met iemand anders."

Daardie aand het ek net 'n bietjie gedeel oor wat God kan doen, en seker gemaak ek sê dat NIKS onmoontlik is by God nie. Ek het voorgestel sy kry die Hoe God Jou Huwelik Kan en Sal Herstel-boek wat in die kerkboekwinkel was. Toe onthou ek dat ek 'n boek gebring het vir 'n vrou wat veronderstel was om my daardie aand daar te ontmoet. So aangesien ons alleen daar gestaan ​​het (aangesien die ander vrou nie opgedaag het nie), het ek gesê: "Hierdie boek moes vir jou gewees het. Die Here het my aangespoor om een ​​van die huis af te bring. Ek het gedink dit was vir iemand anders, maar Ek dink Hy wou dit heeltyd vir jou hê.” Haar trane het op my hand geval toe ek die boek na haar uithou.

Ses maande later is daar vir my gesê hierdie vrou is geseën met 'n herstelde huwelik, nog 'n lofverslag is gelees oor nog 'n herstelde huwelik, en ek het net betyds omgedraai om 'n vrou te sien wat net 'n paar meter verder gestaan ​​en na my gekyk het. Ek het haar herken - tog was dit hierdie keer vreugde wat haar gesig bedek het.

Na die diens het sy my genader en gesê sy moet my eers laat weet dat die lofverslag van die herstelde huwelik daardie dag van haar eVennoot is! Sy het ook vir my gesê dat haar man die vorige Sondag die Here aangeneem het, en dat hy daardie dag vir albei dienste daar was (om boodskappe te hoor wat ek geweet het "perfek" was vir hom!). Sy het vir my gesê dat sy deel was van ons Herstel Gemeenskap (aangesien ek nie haar naam geken het nie, het ek geen idee gehad nie) en sy het gesê net nadat sy haar Bemoedigingsvennoot gekry het, wat wonderlik was, was haar huwelik ook skielik herstel!

Dis toe dat haar man aangestap kom. Haar gesig het 'n effense paniek getoon, sonder om te weet wat ek kan sê. Maar ek het myself bloot voorgestel en vir hom gesê dit is lekker om hom te ontmoet en hom voorgestel aan my man en my oudste seun wat aangestap het. Ons het almal 'n bietjie gesels en toe sê hy: "Ek dink ons ​​moet gaan." Toe hulle SAAM wegstap, het sy oor haar skouer teruggekyk en haar gesig het gestraal.

GOD IS SO GOED!!! Hy het twee goddelike afsprake en twee herstelde huwelike gehad, net ses maande uitmekaar — Hy is nooit laat nie en Sy planne is altyd perfek!!

~Jodie in Missouri, HERSTEL

Hoe Jodie haar Vennoot in haar eie kerk gevind het, was te danke aan haar wat hoop gesaai het. Ons het al jare "Hoop-kaarte" en ons het dit altyd in ons boeke gesit (dit was toe ons ons boeke gestoor en verskeep het). Jodie het verskeie boeke gekoop en in verskeie biblioteke (openbare en kerkbiblioteke) gesit. Haar eVennoot het een van hierdie boeke gekry en aanlyn gegaan om aansoek te doen.

 

Jou Telefoon Lui. 

Moet jy dit altyd beantwoord?

Voordat jy in jou huidige huwelikskrisis was, sou jy nooit daaraan gedink het om doelbewus nie jou foon te antwoord nie.

Maar nou is dinge 'n bietjie anders en totdat jy herstel is, moet jy wysheid gebruik deur versigtig op te tree. “Wees nugter, wees wakker! Julle vyand, die duiwel loop rond soos ‘n brullende leeu op soek na iemand om te verslind”—1Petrus 5:8. Totdat jy die deur met tiendes teen die verslinder toegeslaan het, moet jy nugter wees.

Nugter beteken nie net "nie dronk nie," in plaas daarvan is die ware definisie "helder denke." Dit beteken om te besef dat die vyand gaan probeer om jou te pooitjie en jou terug te stuur na waar hy jou eens gehad het! Hy sal jou vrede steel, jou hoop doodmaak en enige kans op 'n gelukkige lewe vernietig as jy nie op die uitkyk is vir sy planne nie...

“Die Satan moet nie die oorhand oor ons kry nie. Ons ken sy planne maar alte goed”—2 Korintiërs 2:11.

Dit is nie dat jy jouself teen iemand anders hoef te beskerm nie (God sal jou omring as jy naby Hom bly). Jy moet ander beskerm teen jou en jou emosies wat maklik kan oorloop en die vordering wat jy reeds gemaak het, vernietig!

Daarom wil ons met jou praat oor hoekom jy nie jou foon moet beantwoord nie. In plaas daarvan om jou foon te beantwoord, begin om die stemboodskapstelsel meer gereeld te gebruik, aangesien byna ALMAL van ons stempos op ons selfone het. Maak net seker dat jy dit SKOON hou van enige OU boodskappe (daar is niks meer frustrerend wat woede bevorder as wanneer dit sê dat daar nie meer plek in jou stempos is nie). Wees ook baie versigtig dat jy nie misbruik maak daarvan om nie te antwoord nie—dit gebruik as 'n manier om te manipuleer of speletjies te speel. God deursoek jou hart en Hy is die een wat harte na of teen jou sal draai. (Soek Psalm 88:9 en 88:19 en ook Spreuke 21:1 op in jou Bybel.)   

 

BEGIN DEUR:

1.  Maak 'n nuwe en baie eenvoudige boodskap.  Dit is nie nodig om iemand te vra om "hul naam, nommer en wanneer hulle gebel het" te los nie, want dit is alles ingebou. En as jou boodskap kort is, sal dit mense nie so maklik irriteer nie.

Myne is eenvoudig "Hallo, dit is Erin, los vir my 'n boodskap!" Ek sê nie wanneer ek sal terugkom of meer as dit nie. Nog 'n voordeel is dat die piep om 'n boodskap te laat, vroeër sal plaasvind.

Jou boodskap moet ook 'n "ligte" en gelukkige stemtoon hê. Sommige mense klink kwaad, of te *besigheidsagtig en dit bepaal die stemming. Hou dus aan om dit oor en oor te doen totdat dit klink soos iemand wat gevul is met vreugde!

As jy natuurlik jou foon vir besigheid gebruik, stel asseblief jou boodskap op volgens jou behoeftes.

2. As jou foon lui, as jy sien dat die beller moontlik iemand is wat probleme met jou herstel kan veroorsaak, laat jou nuutgemaakte stempos dit eenvoudig beantwoord.

3. Roep dan uit na GOD en vra Hom om jou te help om bestendig te raak vir dit waaroor die persoon dalk bel.

4. Baie dikwels sê mense eenvoudig WIE dit is en "Bel my terug," wat nie altyd help nie, maar dit sal jou tog tyd gee om hierdie baie KRAGTIGE verse aan te haal wat my tydens my herstel gehelp het. 

"Die Here is my lig en my heil: vir wie sou ek vrees? Die Here is die toevlug van my lewe: vir wie sou ek vervaard wees?"—Psalm 27:1

5. En voor jy terugbel, kom by 'n plek waar jy nie afgelei sal word nie. Om jouself dan nog meer voor te berei, herhaal hierdie vers: "'n Sagte antwoord laat woede bedaar; 'n krenkende woord laat woede ontvlam."—Spreuke 15:1

6. Terwyl die persoon praat, LUISTER. Spreuke 18:13 sê:  "Wie antwoord voor hy die vraag gehoor het, is dwaas en kom in die skande." Moenie in die rede val nie, neem tyd om te dink voordat jy praat, en dink dan hieroor: “As 'n dwaas nie praat nie, kan selfs hy aangesien word vir 'n wyse, en as hy sy mond toehou, vir 'n verstandige mens.”— Spreuke 17:28 .

Leer om dinge te sê soos: "Sjoe, ek weet nie wat om te sê nie." Alhoewel die meeste mense wat kwaad is, hul bes sal probeer om jou te kry om meer te sê, selfs so ver gaan om te sê jy maak hulle kwaad deur niks te sê nie of omdat jy nie baklei nie, die waarheid is dit:

Wie jy wil behaag, altyd en vir ewig, is die Here, wat belowe:  “As die Here tevrede is met 'n mens se lewe, laat Hy selfs so 'n mens se vyande in vrede met hom lewe.”— Spreuke 16:7.

En iets anders, as jy wel kies om iets te sê, sal jy byna ALTYD sien dat dit humeure laat opvlam! Hoekom? "Sonder hout bly 'n vuur nie brand nie; sonder 'n kwaadstoker hou 'n rusie nie aan nie. Daar is houtskool nodig vir gloeiende kole, hout vir 'n vuur, en 'n twissiek mens vir rusie stook'"— Spreuke 26:19-21.

Waar dit sê "sonder 'n kwaadstoker" beteken om niemand te vertel wat gesê is nie. Nie net sal dit terugkom na iemand anders wat dit teen jou sal gebruik nie, maar God luister, en weer, jy wil jou Hemelse Man nou behaag, nie waar nie?

Te ingewikkeld??

As dit baie lyk om oor na te dink; 'n wonderlike manier om te reageer en dadelik te kan reageer is om 'n vinnige TEKS te stuur wat eenvoudig sê: "Het jou boodskap gekry, in die middel van iets, sal jou terugbel sodra ek beskikbaar is."

Basies is jy (hopelik) in die middel van 'n gesprek met die Here om SY antwoorde te kry. En waarvan jy vry moet wees, is vrees of enige ander EMOSIE wat verband hou met wat die persoon sê.

 

Jy het nou net 

‘n epos
‘n sms of
'n stempos

gekry...

E-posse, 'n sms en 'n stemboodskap kan jou óf vorentoe laat beweeg in jou herstel, óf jou terugstuur na die beginstreep! 

Eerstens, as jy ophou om e-posse te stuur, SMS'e te stuur en 'n stempos te los, sal jy binnekort ophou om dit self te kry. En wanneer jy dit ontvang, wees versigtig om net vinnig oor dinge te kyk (veral dinge vanaf die AV, of as jy dinge hoor of lees wat jou man in woede gestuur het). Dit is makliker om jou hart rein en vol vergifnis te hou as jy niks het om te vergewe nie.

Maak nie saak hoe versigtig jy is nie, ons almal kry hulle—daardie e-posse van jou man, eks of die AV of baie mense wat jou bloot iets 'n bietjie te persoonlik vra.

Maar raai wat?

Ons hoef nie te antwoord nie en moet hulle NOOIT dadelik antwoord nie.

“‘n Regverdige mens dink voor hy antwoord; goddelose mense sê net slegte dinge”—Spreuke 15:28.

Die afgelope week het ons elke dag gelees van vroue wat in hul vorm geskryf het met soveel SPYT omdat hulle dinge gesê het wat hul vordering vernietig het. Hoekom het dit gebeur? Hoekom het hulle, hoekom trap jy oor en oor in dieselfde strik?

Deel van die rede is dat elke keer as jy 'n fout maak, dit jou sal help om te verstaan ​​en te onthou hoe JY aanhou "misluk" het, hopelik sodat jy deernis kan hê en besef hoe 'n moeilike tyd jou man beleef. Jou man het meer as waarskynlik NIE dieselfde verhouding wat jy met die Here het nie. Die Here wat belowe het om jou te help!

So as jy nie kan ophou nie, as jy nie kan verander nie, hou dan op om te verwag dat jou man met alles moet ophou wat hy nie kan verander nie.

As jy eerlik daarin belangstel om vorentoe te beweeg in jou herstel, en jy is moeg daarvoor om jouself in die een krisis of spyt na die ander te bevind. Begin om op te let hoe jy optree, veral wat jy vir enigiemand en almal sê.

Vas help—ek weet want dit was die EERSTE keer in my hele lewe wat ek my mond kon toemaak en nie reageer op iets onvriendeliks wat vir my gesê is nie!!

Probeer hierdie OEFENING volg voordat jy jou situasie baie ERGER bevind as wat dit reeds is.

Elke keer as een van "daardie" e-posse, sms'e of stemboodskappe na jou toe kom om jou in die wiele te ry:

1. Wag, wag, wag.

As jy in die middel van die gesprek is, soos om SMS'e te stuur, stop vir 'n minuut of twee, vra dan "Haai, iets het voorgeval, kan ek na jou terugkom?" 

Wat "voorval" is jou gevoelens wat jy nie kan beheer nie en jou tong wat op die punt staan ​​om iets dom te sê. En dit is nie net woede wat dom is nie – so ook om te pleit, vrae te vra of jou hart uit te stort. STOP NOU.

2. Sodra jy die telefoon neergesit het, wat dalk kan help, is om voort te gaan en jou gedagtes en gevoelens neer te skryf.

Stuur EGTER wat jy ook al skryf vir jouself—nie die ander persoon nie. MOENIE die persoon se e-posadres insit wanneer jy skryf nie, sit jou eie e-posadres in. Want as jy nie versigtig is nie, kan jy PER ONGELUK iets stuur wat jy nie kan terugkry nie!! Woorde wat jy nie kan terugneem nie.

In plaas daarvan kan jy die naam van wie jy "dink" jy dalk jou e-pos aan gaan stuur, in die Onderwerp plaas. Dit is weereens om te verhoed dat jy dit per ongeluk stuur.

3. Gaan voort, tik hoe jy voel, wat jy graag wil sê. Deel jou gevoelens met wie jy ook al wil. Die gevoelens kan wees hoe SEERGEMAAK, KWAAD, gewalg, gefrustreerd of vol selfbejammering jy is.

Jy voel dalk jammer vir die ander persoon of wil selfs hê dat die ander persoon moet "verstaan" hoe jy voel.

4. Beëindig jou e-pos en gee DAN daardie gedagtes en gevoelens vir die Here.

5. Ten slotte, eindig jou e-pos met "laat U WIL geskied HERE."

6. WAG NOU nog 'n bietjie!

7. MOENIE enigiets doen voordat AL daardie gevoelens WEG is nie—totdat jy kan reageer soos HY jou LEI om te reageer, wat NIE EMOSIES daaraan verbonde sal hê nie.

8. Wag nog 'n bietjie. BAIE DIKWELS SAL GOD tydens die wag die situasie verander en dit sal nie nodig wees om OOIT IETS te stuur nie.

9. Plaas jou e-pos wat jy vir jouself gestuur het in jou KONSEPTE, totdat, soos ek gesê het, "daar geen emosies van enige aard daaraan verbonde is nie."

10. Ten slotte, sodra jou emosies stabiel is, sal jy 99% van die tyd GLAD NIE nodig hê om iets te stuur nie. Dis dan wanneer jy versigtig moet wees om die bewyse van jou gevoelens uit te vee, want dit is tussen jou en die Here!

*Ek het geweet van verhoudings wat herstel is, net vir'n huweliksmaat om dan e-posse te kry wat uitgevee moes gewees het.

Wat?

Ja, die vyand is nie op die punt om tou op te gooi en te sê: "O, wel..." sodra 'n huwelik herstel is nie. In plaas daarvan is dit een van die redes waarom herstel 'n volle Reis neem om te voltooi! Sodra jy 'n wonderwerk in jou lewe het, is jy 'n groter bedreiging vir die vyand en sy doelwit om jou getuienis te vernietig!

Ten slotte, hoe meer jy skryf en dan later UITVEE, hoe meer sal jy vind dat jy niks hoef te doen nie en glad nie die moeite wil doen om iets te skryf nie. Jy sal verder in jou Herstelreis wees en nie jy of enigiemand anders sal die nuwe vrou wat jy geword het, herken nie.

Onthou, hoe meer tyd jy saam met die Here spandeer, en die LIEFDE ervaar wat Hy vir jou het, hoe minder dinge wat enigiemand vir jou sê of aan jou doen sal 'n negatiewe reaksie of 'n emosie uitlok.

Vas Facebook

Ons kan nie hierdie les beëindig sonder om eers oor Facebook en ander sosiale netwerke te praat nie. As jou doel is om NOOIT te genees of jou man toe te laat om te genees nie, bly dan op Facebook en hou jouself blootgestel. As jy egter wil voordeel trek uit God se Verandering en ook uit 'n krisis wil bly,  VAS dan van Facebook totdat jy klaar is met hierdie kursus.

En as jy regtig vorentoe wil beweeg op jou Herstelreis, sodra jy in die HERBOU-fase van HHH is, sal ons jou aanmoedig om dan 'n nuwe Facebook-rekening op te stel met die doel om ander te help. Jy en jou eVennoot sal aangemoedig word om jou eie bediening op die been te bring, en basies net te deel hoe en waar jy is, en uitreik na vroue in krisis deur hulle te stuur om die GRATIS Huweliksevaluering in te vul.

"Facebook is al 'n rukkie 'n twispunt in ons huis. My man het nie omgegee dat ek so baie tyd daaraan spandeer nie. Toe begin my man sy eie blad en lieg daaroor, ek het gevind hy is vriende met verskeie vroue. Natuurlik het ek hom gekonfronteer, en ek het aanhou kyk om te sien wat hy besig was om te doen. Realiteit was dat ek 'n perfekte front voorgehou het vir my vriende en familie om al die vernietiging in my lewe te sien, toe dit die verste ding van die waarheid was. Teen die tyd dat dit vir my in hierdie les voorgestel is, het ek reeds geweet dit is tyd. Dit was eers moeilik, dit het 'n obsessie geword, maar dit het regtig my tyd bevry en het my lewe meer vredevol gemaak. Ek het tyd om in my God, myself en my gesin te belê. En ek wil nie regtig meer weet wat met my man aangaan nie, ek het nie die stres nodig nie. God werk, dis al wat ek moet weet!!

Liewe Vriendin, ek weet waardeur jy gaan, maar vertrou dat God jou liefhet en nie van plan is dat ons 'n vreesaanjaende lewe moet lei nie. Bid vir geloof, en LAAT GAAN: van jou man, jou Facebook, want dit is bevrydend. Laat God jou dra, Hy sal jou nie in die steek laat nie. Dit is te uitputtend, en ons moet die wêreld as 'n los kledingstuk dra. Glo my, jy sal nie spyt wees nie...

“Julle hoef nie te veg nie, neem net posisie in en staan en kyk na die oorwinning van die Here vir julle. Moenie vrees nie, Juda en Jerusalem, moenie bang wees nie. Trek hulle môre tegemoet. Die Here sal by julle wees.” (2 Kronieke 20:17)

~ Beata in Florida

“Ek het die afgelope week besef dat God my subtiel gewys het om van my Facebook-rekening ontslae te raak – maar ek het nie en toe, die naweek, is vir my iets gewys oor my M en die AV wat vir my emosioneel heeltemal verwoestend was. Gisteraand, nadat ek dit op my foon gelees het, het ek my rekening op my foon gedeaktiveer, maar nie op my rekenaar nie, tot vanoggend direk nadat ek hierdie les gelees het. Ek moes na God geluister het sodat ek nooit die inligting gehoor het wat ek nou ken nie." ~Kim in Kalifornië

Nadat ek Facebook “laat gaan" het, en toe 'n maand later weer geswig het om op Facebook te gaan, het ek eindelose ure daaraan spandeer, die ergste van alles gedoen, op my AM en die AV gespioeneer. Ek het myself seergemaak deur die foto's wat ek van hulle by my oudste dogter se troue gesien het. Ek het uiteindelik weer "laat gaan", maar hierdie keer het ek geweet dit is anders. Ek het geen begeerte gehad om weer op Facebook te gaan nie, maar in plaas daarvan het ek my selfoon gebruik om met mense te gesels met wie ek regtig geen besigheid gehad het om mee te gesels nie, om myself oop te stel vir situasies waarby ek regtig nie betrokke was nie.

So, vanoggend se les kon nie op 'n beter tyd gekom het nie of kon nie op 'n beter manier aan my verduidelik gewees het nie. Ek het probleme gehad met my selfoon aangesien die battery foutief was en dit beteken dat die foon amper permanent op laai was. Dit is duidelik nie goed vir die battery nie, en toe uiteindelik vanoggend het die battery heeltemal onbruikbaar geword. Nadat ek hierdie boodskap gelees het, het ek besef dat dit van my weggeneem is, want ek het my kerk verlaat, ek was nie meer op Facebook nie, maar ek gebruik steeds my selfoon. En ek WEET ek het met mense gepraat met wie ek nie behoort te praat nie en het gepraat oor dinge waaroor ek nie moet praat nie. Ek moet erken ek is ietwat verlig dat dit gebeur het. Dit is 'n manier waarop ek ook kan ophou praat, en ek word nie blootgestel aan die dinge waaraan ek regtig geen besigheid het om blootgestel te word nie.

~Denise in Suid-Afrika

 

Eerlik, Werk die Beginsels in hierdie Les Regtig?

“U verordeninge is my vreugde, hulle is my raadgewers”—Psalm 119:24. 

"Wat ek geleer het"? O...dit het regtig vir my 'n glimlag gebring. Dit was 'n area waarin ek regtig gevoel het dat God my bygestaan ​​het. Ek was baie vinnig om te reageer en sou eenvoudig my sê moes sê, hetsy in 'n lang teks, sms, e-pos of op die telefoon. Dit het my eks kwaad gemaak. Met verloop van tyd het ek geleer om stadiger te ry, terug te staan, maar dit is 'n area waaraan ek soms nog moet werk. Ek verwonder my dat ek deur God se genade baie beter daarmee is.

Ek moet net deel hoe God met my hieroor gewerk het. Voordat ek julle boeke gelees het en die beginsels geken het, het ek regtig probeer om my lippe toe te maak, maar ek moes hom 'n les leer. God was ongelooflik soos altyd. Ek het regtig gevoel hoe hy my die beginsels van geduld en selfbeheersing leer. Ek sou so woedend wees en 'n baie nare antwoord intik en dan sou ons server afgaan en die pos sou nie gestuur word nie. Die volgende dag toe ek weer die pos lees wat gereed was om te stuur, het dit nie meer saak gemaak nie en ek het dit nooit gestuur nie. Ek sou kwaad wees en my eks en die ander vrou bel en net deur God se ingryping was die foon beset en ek het nooit deurgekom nie. Ek het gevoel dat God my persoonlik hiermee help en agterna sou ek glimlag en vir God sê ek weet hy leer my selfbeheersing. God het regtig soveel scenario's georkestreer sodat ek nie so erg opgemors het nie. 

~Chantal in Suid-Afrika

Oor die algemeen het ek gedink hierdie les was so WONDERLIK!! Dit was beslis my tyd werd, en het my gewys hoe belangrik "media" etiket is in jou herstel, hoe belangrik dit is om redelik, aangenaam en geduldig te bly wanneer jy op e-posse/tekste/stemboodskappe reageer!!  

Soos sommige van die vroue in hul getuienisse noem, het ek ook regtig gesukkel met selfbeheersing wanneer ek oor die telefoon praat en selfs in sms'e. . . Ek is nou so skaam as ek daaraan dink, maar NOU sien ek dat ek regtig net met ALMAL moet praat/reageer soos hoe ek mee gepraat wil word en dit is op 'n vriendelike en liefdevolle toon!

Wel, ek sal my stempos boodskap verander (dit korter en meer "opgewek" maak, minder besigheidsagtig) en sal beslis meer versigtig wees om my oproepe te keur, die Here te soek oor wanneer om te antwoord en wanneer om dit eenvoudig na stempos te laat gaan, om later na te luister.  ~Tiffany in Texas

Ingesit deur: Lily in Australië; My man is weer getroud, ek het die Herbou Wysheid Kursus geneem of neem dit tans.

“God is Al Wat Ons Nodig Het”

“Aan God, die Vader van ons Here Jesus Christus, kom al die lof toe! Hy is die Vader wat Hom ontferm en die God wat in elke omstandigheid moed gee. In elke moeilikheid bemoedig Hy ons. Daarom kan ons ook ander bemoedig wat in allerlei moeilikhede verkeer. Ons kan hulle bemoedig met dieselfde bemoediging waarmee God ons bemoedig, want net soos daar vir ons ‘n oorvloed van lyding is ter wille van Christus, is daar ook vir ons ‘n oorvloed van bemoediging deur Christus.” (2 Kor. 1:3-5 ) 

“Vind jou vreugde in die Here, en Hy sal jou gee wat jou hart begeer.” (Ps. 37:4)

Prys Here, Hy is AL wat ons nodig het!!

Nadat ek verlede maand “wechat” en facebook laat gaan het, kon ek fokus op Jesus, ons Here wat die deernisvolle Vader en God van alle vertroosting is. Ek het so vry gevoel. God kon aan my openbaar dat Hy die Een is wat ons in al ons moeilikheid vertroos. Ek het vroeër vriende en pastore se vertroosting gesoek en ek het soos 'n slagoffer opgetree. Ek het geweet ek is 'n sondaar, maar ek het nooit op die punt gekom om regtig my sondes en my verkeerde dade te bely nie. Ek het selfs met myself gespog en ander mislei om met hul mans te baklei. In sommige stadiums was ek baie veroordelend teenoor daardie broers en susters wat die kerk verlaat het. Toe het ek baie veroordelend geword teenoor pastore en susters wat by die kerk gebly het nadat ek die kerk verlaat het. Al my fokus was op ander en hierdie wêreld. So ek het baie eiegeregtig geword, tot op die stadium toe ek gedink het ek is die enigste een wat God geken het en God se weg gevolg het. Hoe trots en arrogant was ek tog! Ek dank God dat Hy my na hierdie bediening gelei het en ek dank Erin dat sy my die waarheid geleer het om God te vertrou en God in elke situasie te soek. Ek vra nou vir God en loof God en bid dat God se Wil geskied in wat ek ook al doen.

Om “wechat” en facebook te laat gaan het my meer tyd gegee om God se Woord te leer en na Sy beeld verander te word en om verheug te wees in Hom. Hy het gegee wat my hart gevra het - 'n voltydse werk.

Om “wechat" en facebook te laat gaan, het my in staat gestel om op God te fokus. So ek weet God is al wat ek nodig het. Ek kan daarop roem dat niks in hierdie wêreld my kan oorwin of beheer of teen my kan kom nie, want God is met my. Hy is my Skild, my Toevlug, my Trooster, my Geneesheer, my Voorsiener, my Maker en my Hemelse Man. Ek het meer as wat ek verdien.

En as jy in staat was om hierdie Mylpaal te oorkom, #3 Vas Facebook, maak seker dat jy ander help om te oorkom deur 'n Hindernis Lofverslag in te dien .

Ek belowe dat as jy getrou is om hierdie OEFENING te doen, ELKE keer as jy gekonfronteer word met e-posse, SMS'e en/of stemboodskappe, dan WAARBORG EK jou dat jy 'n lewe met MEER VREDE sal lei en sal sien hoe jou herstel vorentoe beweeg sonder die gewone 2 treë vorentoe, dan 3 treë terug!

Om vandag se les te voltooi, lees een van ons herstelde huweliksgetuienisse geneem uit een van ons Deur die Woord van Hulle Getuienis-reeks om die wysheid van hierdie eens hopelose huwelik wat nou wonderlik deur GOD herstel is, in te win.

“Herstel toe ‘n Weduwee”