Verbeel jou jy is ver bo in die wolke en jy kyk af na die prentjie van jou lewe, asof dit ‘n padkaart is. 

Kyk na die begin, dit is die dag wat jy gebore is en dit is die begin van die “rivier” van jou lewe. Kyk hoe jou kano saam met al die kinkels en draaie vaar terwyl jy deur al die jare van jou lewe reis.

Daar is jy, roei, roei, roei gelukkig saam.

Nou, kyk na die einde van die rivier. Sien jy waar die rivier eindig? Die dag wanneer hy die see bereik? Dit is die beste dag van jou lewe, die dag wanneer jou Redder kom om jou hemel toe te neem.

Kyk nou van naderby. Kyk of jy ‘n baie klein deeltjie naby die begin kan sien, waar die water baie vinnig vloei. Dit kinkel en draai en het baie rotse.

Hierdie is jou tienerjare, wat begin met jou tussenin jare.

In jou lewe sal daar net ‘n dosyn jaar wees, ongeveer 12 jaar, van “stroomversnellings.” Baie tieners en twintigjariges hou daarvan om die stroomversnellings aan te pak. Hulle dink dit is pret. Hulle dink nie aan die gevare nie.

 

Maar is dit Wys?

God sê wanneer jy jou vader en moeder eer, sal jy geseën word met ‘n lang lewe.

“Eer jou vader en jou moeder.” Dit is die eerste gebod met ‘n belofte: As jy jou vader en moeder eer, “dan sal dinge vir jou goed gaan, en jy sal ‘n lang lewe op die aarde hê.”

Baie grootouers leef om 80 jaar of meer te word, so as jy 10 of selfs 20 jaar aftrek:

80 – 10 = 70          80 – 20 = 60

Wil jy regtig vir 60 of 70 jaar in ‘n kano roei met gate, of met stukkende roeispanne!! Natuurlik nie! Dit is nie wys nie, dit is dwaas. Dwaasheid waardeur jy vir die res van jou lewe sal ly!

Maar raai wat?

As jy jou lewe bou op wat GOD sê, kan jy dit deur die stroomversnellings maak, die min jare van tiener wees, sonder enige skade aan jou kano! Dit beteken dit sal klopdisselboom gaan vir die res van jou lewe! Klink wyser, reg?

 

Dink so daaraan:

Ons begin almal die lewe met ons ouers wat ons klein en baie brose kano lei. Die water is vlak en beweeg stadig. Ons ouers lei ons dus liefdevol, leer ons en lei ons op. “Gee leiding aan ‘n jongmens oor hoe hy moet leef, en hy sal ook as hy al oud is nie daarvan afwyk nie.” Dan, baie gou, kan ons ons eie kano veilig in die rivier van die lewe lei, amper by onsself.

O, nee! In vandag se wêreld probeer die meeste kinders te gou beheer oor hulle kano neem! Hulle glo dwaaslik dat hulle beheer word deur hul ouers wat hulle vertel wat om te doen. Hulle luister na vriende en selfs hulle onderwysers om hulle in hul kano te lei—hulle glo dwaaslik dat enigiemand anders “beter” weet—dat hulle ouers nie weet of verstaan nie. 

Pasop!! Baie gou begin jy spoed optel en jou kano en lewe is buite beheer! Jy beland in die stroomvernellings en jy is nie voorbereid nie. Dit is te vroeg!

Botsing!! Eendag tref jou kano ‘n skerp rots, jou kano keer om en jy verdrink amper. Gelukkig is jou ouers daar om jou te red.

Ongelukkig het jy jou enigste roeispaan gebreek en daar is ‘n lang skeur in jou kano, wat jou ouers help regmaak.

 

 Waar, jy het nie verdrink nie. Ja, jou kano is gelap, maar ‘n paar jaar later begin daardie lapplek lek.

Nog erger, jou roeispaan is stukkend. So vir 50 of 60 jaar sal jou herstelde roeispaan verhoed dat jy jou behoorlik kan wegstuur van rotse of die kuslyn of onder laagliggende boomtakke uit.

Amper elke dag sal daar meer en meer skade aan jou kano wees.

Jy sal alles probeer om die vrees en pyn te stop, maar jy voel dit.

Jare se gebruik van ‘n kano wat baie keer omgeslaan het, baie rotse en die oewer getref het, het soveel meer skade aangerig. Skade wat aangerig is deur te vroeg die rivier van die lewe se stroomvernellings aan te pak sonder jou ouers se leiding.

Wanneer die stroomversnellings verby is, is die rivier uiteindelik kalm en vreedsaam.

Gouer as wat jy dink—is jy in jou laat twintigs en 30. Ongelukkig, as gevolg van al die skade, bly jou kano skaars bo water. Die meeste van jou tyd word spandeer om jou kano te herstel. En die res van die tyd raak jy verder agter, omdat jy met net een roeispaan moet roei. Sommige het albei roeispane verloor, so hulle probeer dwaaslik met hulle hande roei, aangesien hul roeispane lankal weg is.

 

Al vloei die rivier nou glad, omdat jou kano so erg beskadig is, veroorsaak die kalm rivier steeds werklike gevaar. Die gevaar van sink en ook sukkel om te roei met jou herstelde, of moontlik geen, roeispane nie.

MAAR KYK. Kyk daar oorkant. Jy sien ‘n ander kano wat suisend verby jou gaan. Die persoon is jou ouderdom, maar hulle glimlag. Hulle kano is perfek!

Hoekom? Omdat hulle aangehou het om hulle ouers te eer en na hulle te luister. “Hulle” kano’s het veilig deur die stroomversnellings gekom!!

Kyk hoe maklik roei en beweeg hulle om elke probleem, sonder enige probleem!

KYK! Hulle word om elke hoek en draai deur ander geëer in hul rivier van die lewe. Sukses lyk asof dit altyd hulle s’n is. Geluk is hulle s’n. Liefde en bewondering is hulle s’n. En daar is jy, beskadig en seergemaak soos wat jy toekyk, terwyl jy wonder . . . “Wat het met my lewe gebeur? Dit is nie wat ek wou gehad het nie! Dit is nie hoe ek wou gehad het my lewe moet uitdraai nie!”

Kyk weer na die groter prentjie. Die “stroomversnellings” in die Rivier van die Lewe neem net ‘n klein gedeelte van jou lewe op.

 

As jy na jou lewe sal kyk en “kies” om na jou pa en ma te luister en doen wat reg is, sal jy in staat wees om jou roeispane te red, nooit om te keer of rotse te tref nie, want jy laat toe dat Sy Woord en jou ouers jou lei deur daardie baie kort, moeilike jare.

“Vermy ‘n dwase mens; jy sal nie by hom leer om verstandig te praat nie.” Moenie na enigiemand luister wat jou aanhits om die stroomversnellings aan te pak asof môre nooit sal kom nie. As jy hierdie wyse besluit nou maak en nooit twyfel nie—belowe ek, jy sal nooit spyt wees nie!

Jy kan nooit teruggaan en jou foute uitvee nie. Net soos die oortreding van die fisiese wet van swaartekrag sal lei tot 'n voorwerp wat val, op dieselfde manier, sal die oortreding van die beginsels van God lei tot voortdurende gesukkel gedurende jou hele lewe. Dit is waarom jy elke besluit, elke keuse, moet maak met môre en jou toekoms in gedagte.   

As jy nie weggevoer wil word nie, moet nooit in die water klim nie! Moet nooit probeer om te rook, te drink, of dwelms te gebruik wat tot afhanklikheid lei nie. Moet nooit “uitgaan” en jou kano omgooi wat lei na egskeiding en ‘n gebroke lewe nie. “Keer terug van die versoeking en doen wat goed is”—sal beteken dat jou toekoms gevul sal word met vreugde, geen spyt of nagevolge om te hanteer nie.  

Net soos wat jy sport of musiek beoefen, sal oefen om goed en getrou aan God te wees, lei na ‘n lewe van vreugde en onbeperkte vryheid! Gee jou hart aan die Here, jou Beminde, nou dadelik en Hy sal jou lei en Sy perfekte keuse vir jou bring sodat jy gelukkig vir altyd sal lewe.