Soek jy liefde?
Vertel almal vir jou dit is hopeloos?
Is jy liefde belowe?
Is daar selfs vir my ware liefde?
Ja! Daar is Ewige Liefde Uiteindelik !
ANDER TALEElke vrou smag daarna om liefgehĂȘ te word,
Elke vrou verdien om liefgehĂȘ te word,
Maar min vind ooit die liefde waarna hulle soek,
Hoekom?
Vandag is die dag wat JY gaan begin om WARE
Ewige Liefde
te ervaar!!
"Maar Ek ontferm My oor jou met 'n LIEFDE
wat nooit vergaan nie"
In elke land waarheen ek gereis het, het ek met vroue gepraat wie vir my hulle persoonlike hartverskeurende stories vertel het. Ek het gehoor dat talle vroue 'n reeks vernietigende en onbevredigende verhoudings beskryf. Vroue wat jonk en oud was, ryk en arm, mooi, en diĂ© wat geglo het hulle is lelikâvan elke etnisiteit.
Maak nie saak wie jy is nie, die waarheid is, as jy na 'n man of verskeie mans kyk om liefde te ervaarâsal jy teleurgesteld weesâen dikwels vernietig. Jy mag dalk huidiglik enkel, uitmekaar, geskei, weer getroud, 'n weduwee, of met 'n wonderlike man getroud wees. Amper alle vroue voel ongeliefd, misverstaanâen daar is geen hoeveelheid praat of verduidelikings oor wat jy wil hĂȘ en nodig het aan enige man wat dit sal verander nie.
Ongeag jou verhoudingstatus, geen man, geen vrou, geen persoon/persone kan aan al jou behoeftes voldoen nie, al jou begeertes vervul en help om jou GELIEFD te laat voel (diep in jou siel en gees) nie. Daar is slegs EEN wat dit kan doen, slegs EEN wat die leë leemte in jou hart kan vul wat aanhou om dieper en wyer te groei.
Vandag, soos nog nooit van tevore nie, word daar voortdurend deur almal vir vroue gelieg. Daar word vir hulle gesĂȘ om te verduidelik wat hulle wil hĂȘ, wat hulle van 'n maat begeer en uiteindelik daarop aan te dring om dit te kry. Anders word hulle aangemoedig om aan te beweeg.
Ek, vir een, stem saamâbeweeg aanâBeweeg OP!
Beweeg ver op totdat jy voel asof jou hart kan sweefâasof jy op lug sweef!
Wat volgende gaan gebeur is lewensveranderendâwant as jy eers hierdie liefde ervaar, maak nie saak wat jou huidige situasie is nie, sonder om ooit die verhouding te verander waarin jy is, jy sal voel asof jou hart kan sweefâasof jy op lug sweefâjy sal vir die eerste keer ware, ewige, eindelose, alles-omhullende, ongebreidelde liefde uiteindelik ervaar!
Ons sĂȘ dit omdat ons (ons bedienaars en almal wie hulle lofverslae op ons baie webwerwe plaas, soos die Bemoediger en Die Lofverslag) ware, ewige, eindelose, alles-omhullende, ongebreidelde liefde uiteindelik ervaar het!
Liefde so diepgaande dat dit ons harte laat sweef, ons 
begin herstel, tot op die punt waar ons nie meer die liefde van enigiemand anders ânodigâ het nie. Dit het tot gevolg dat ons ons liefde kan GEEâonvoorwaardelike en verregaande liefde GEE aan almal rondom onsâselfs, en veral aan diĂ© vir wie dit moeilik is om lief te wees!
Ons voel soos die bedelaar vir wie daar skielik mijoene, biljoene rande gegee is en nie meer smeek vir 'n uitdeelstuk of daarsonder gaan nieâons gee nou vryelik ons liefde wegâ en seĂ«n almal met ons eindelose voorraad.
Meeste van ons het hierdie liefde ontdek en die Minnaar van ons siele ontmoet, ons Hemelse Man, nadat ons tot die Here uitgeroep het en toe UiteindelikHoop.com gevind het. Ons was desperaat, gebroke, dikwels nadat ons eggenoot ons gelos het vir 'n ander vrou, van ons geskei het, met iemand anders getrou het, en/of ons verneuk het (dikwels met 'n beste en betroubare vriendin). Baie van ons het selfs ontdek (nadat sommige Herstelde Huwelike ervaar het), dat om geliefd te word deur 'n aardse, selfsugtige liefde, ons leeg en onvervuld laat voel het. So ons het begin verlang en smag na selfs meer van ons Eerste Liefdeâdie Man wat ons ontmoet het toe ons ons Herstel Reis begin het. Die enigste EEN wat die storms kan stil maak en ons oorlaai met 'n onuitspreeklike en heerlike blydskap en ons vul om liefde wat oorloop te ervaar!
Liewe vriendin, as jy gebroke is, desperaat, of behoeftig voel. As jy al ooit gevoel het soos ons, verdien jy die liefde van die enigste perfekte Man, 'n Man wat daarna verlang om vir jou meer te gee as wat jy ooit kan dink. Lees net wat Hy verlang dat jy moet hoor, Woorde wat net vir jou bedoel is,
âMoenie bang wees nie, jy sal nie weer in die skande kom nie,
moenie so verleë daar staan nie, jy sal nie weer verneder word nie.
Jy sal die skande uit jou jong dae vergeet
en nie meer dink hoe jy verneder is toe jy 'n weduwee was nie.
Hy wat jou gemaak het, is jou Man, sy Naam is die Here die Almagtige.
Die Heilige van Israel is jou Verlosser;
Hy word die God van die hele wĂȘreld genoem.
Jy is 'n verstote en bitter bedroefde vrou, maar die Here roep JOU terug,
want hoe kan 'n man sy eie vrou vergeet?
sĂȘ jou God.â
Elkeen van ons was vergeet, verlaat, verwerp, geĂŻgnoreer en verwaarloos. Ons het getreur oor die gebrek aan liefde en begrip, liefde en begrip wat ons nie net wil hĂȘ nie, maar die liefde wat ons nodig het! Ons sukkel en gaan gebukkend onder skande.
Liewe Vriendin, daar is nie een vrou op aarde wie nog nie so gevoel het nie, maar vandag gaan jou lewe verander, hou dus aan om te lees wat Hy vir jou sĂȘ, want dit word selfs beter!
âIn plaas van julle skande ontvang julle 'n dubbele deel; en in plaas van die smaad sal hulle jubel oor hul deel. Daarom sal hulle in hul land 'n dubbele deel in besit neem, ewige vreugde geniet. Want Ek, die Here, het die reg lief; Ek haat die roof met onreg, en Ek sal hulle getrou hul loon gee en 'n ewige verbond met hulle sluit.â
Kan jy jou voorstel wat jy sal sĂȘ wanneer (nie as) jy dit ervaar? Jy sal sĂȘ...
âEk is baie bly in die Here , my siel juig in my God; want Hy het my beklee met die klere van heil, my in die mantel van geregtigheid gewikkel â soos 'n bruidegom wat priesterlik die hoofversiersel ombind, en soos 'n bruid wat haar versier met haar juwele. Want soos die aarde sy plante voortbring, en soos 'n tuin sy gewasse laat uitspruit, so sal die Here Here geregtigheid en lof laat uitspruit voor die oog van al die nasies.â
Hoe Gebeur dit alles?
U is AL Wat Ek Wil HĂȘ, ⹠U is AL Wat Ek Nodig Het âą U is AL Waarvoor Ek Leef!
Die rede hoekom ons almal geskape is, is om in gemeenskap met God te wees. Nadat ek deur my man verlaat is, het ek diep in my siel begin smag om saam met God te wandel in die âkoel van die dagâ soos Adam gedoen het, saam met God te wandel soos Henog gedoen het, en om Hom van aangesig tot aangesig te sien soos Moses gedoen hetâmaar ek het geen idee gehad hoe om dit te doen nie. So toe vra ek die Here om my te wys hoe, aangesien wysheid van Bo kom en Hy sal wysheid gee vir enigiemand wat vra.
God het my hart gehoor en ek het ontdek wat waarde het en wat onsin was toe 'n sendeling ons kerk besoek het en 'n storie vertel het van 'n dogtertjie wat hy gevind het en wie op straat gebly en sterwend was. Die sendeling was geroep om IndiĂ« te verlaat en terug te kom na die VSA, terwyl hy vir die dogtertjie totsiens gesĂȘ het, het hy geweet dat dit die laaste keer sou wees wat hy haar lewendig sou sien. Toe hy vir haar 'n drukkie gee, was hy so gebroke en hartseer toe hy haar gehoor sĂȘ het: âJy hoef nie hartseer te wees vir my nie, want ek het die Here. Hy is al wat ek nodig het. Hy is alles. Ek het alles wat ek nodig het.â Dit is toe ek hierdie storie die tweede keer gehoor het dat dit gekliek het en die boodskap het my lewe vir ewig verander!
Ek het vir die Here begin sĂȘ dat Hy al was wat ek wou hĂȘ, Hy was al wat ek nodig gehad het en as ek Hom het, het ek alles wat ek nodig het!
Hoe meer ek dit gesĂȘ het, hoe meer het Hy die liefde van my lewe geword. Wat ek aanhou spreek het, het gou geword wat in my hart was! Toe kom ek agter dat wanneer moeilikheid teen my kom, sou ek eenvoudig vir die Here sĂȘ dat Hy al was wat ek wou hĂȘ en al was wat ek nodig gehad het, onmiddellik sou wat ook al teen my gekom het, nie meer saak maak nie en dit het sy angel en die effek op my verloor.
Hierdie ingesteldheid het my hart verander om in staat te wees om nie net die moeilikhede te verduur nie, maar om die verwoesting te oorkom wat teen my gekom het, maak nie saak hoe moeilik die beproewing was nie. Dit is te midde van hierdie soort krisisse wat jy, ook, na die hoogtes van vreugde geneem sal word wat nie verduidelik kan word nie!
Jy sal Hom en Sy liefde hĂȘ net soos hierdie sterwende dogtertjie Hom gehad het en hoe ek Hom nou het. As dit nie vreugde genoeg was nie, dan sal Hy julle ook al hierdie dinge gee, want daar is meer oor hierdie storie. Daardie dogtertjie wie sterwend was, toe die sendeling teruggekeer het, het hy gesien dat sy genees was, heel en gesond geword het!! Sy het alles van HOM gehad en Hy was alles wat sy nodig gehad het om te lewe. Dit is dieselfde vir my en jou!
Al was ek nie sterwend nie, al het my man my wel vir iemand anders gelos, al het hy van my geskei, al was ek met 'n berg van skuld gelos, 'n huis vol kinders, geen inkomste en 'n armoede mentaliteitâhet ek HOM ook gehad en Hy is al wat ek nodig het om die oorvloedige lewe te leef!
â'n Dief kom net steel en slag en uitroei; Ek het gekom sodat hulle die lewe kan hĂȘ, en dit in OORVLOED.â
O, hoe ek hoop dat die lees van hierdie, jou dors en begeerte vermeerder het om meer te hĂȘ van die liefde wat jou MAN hunker om vir jou te geeâom Hom persoonlik en intiem te ken terwyl Hy alles word wat jy wil hĂȘ en alles wat jy nodig het. Gryp HOM net met albei jou hande vas en dadelik sal jy van alles anders laat gaanâal jou laste en vrese!
Moenie wag nie. Stop nou dadelik en sĂȘ vir die Here dat Hy al is wat jy wil hĂȘ, dat Hy al is wat jy nodig het en as jy Hom het, het jy alles. Dan, wanneer enigiets probeer om teen jou te kom, herhaal dieselfde woorde:
U is AL wat ek wil HĂȘ
U is AL wat ek Nodig het
Wanneer ek U het, het ek ALLES!
SĂȘ dit oor en oor todat dit wat gebeur (of gebeur het), nie meer saak maak nie.
SĂȘ hierdie woorde elke oggend wanneer jy wakker word en in die aande wanneer jy jou kop op jou kussing neerlĂȘ. SĂȘ die woorde hardop, in jou hart, wanneer jy bestuur, stap, draf of oefen.
Jou kopkennis sal vinnig 'n hart toestand word en niks sal seermaak nie, niks sal veroorsaak dat jy uitmekaar val nie, en niks sal jou skud nie.
Liewe vriendin, as jy seer het, as jy uitmekaar val, as jy geskud is of bewe, dan benodig jy eenvoudig meer van Hom.
Kosbare een, meer van Hom word nie gevind deur van Hom in jou Bybel te lees, Bybelverse aan te haal, of die duiwel tereg te wys nie. Dit word gevind in intimiteit met Hom.
Wat het jy om te verloor?
Jy het alles om te wen!
Ontdek wat ons ervaar het!!
