♕ Belofte van vandag: “Die Here vra toe vir die Satan: “En my dienaar Job, het jy hom raakgesien? Sy gelyke kry jy nie op aarde nie: hy is vroom en opreg, hy dien My en vermy die kwaad.” Job 1:8
Liewe bruide, sodra jy aanvaar dat dit God is wat toegelaat het dat dinge aan jou lewe raak, en dat Hy 'n groot God is en dat Hy net goed bedoel het, sal jy ophou om te weerstaan. Die lewe sou soveel makliker wees as jy Hom die Here van jou lewe sou maak en sou bid vir Sy wil om joune te oorwin. Dan sal jy getuig hoe Hy jou hartsbegeertes sal vervul en nie die besonderhede waarvoor jy wens, sal vergeet nie.
Ek het hierdie les, “Jy Word Opgestel”, al voorheen gelees, maar nooit regtig daaroor gepeins en die betekenis daarvan besef totdat my Liefde my na 'n beginsel gelei en geleer het wat ek nou al 'n hele rukkie toepas nie.
Baie onlangs het ek op 'n punt gekom waar ek nie meer vir my huwelik en my aardse man gebid het nie. Selfs die dinge waarvoor ek die bangste was, het ek ontbloot as gevolg van my gesnuffel wat vir my pyn veroorsaak het, soveel pyn dat ek het geweier het om daaroor te bid. Weet jy hoekom? Omdat ek my eindelik onderwerp het aan die feit dat ek nie die kwaad wat gedoen word, weerstaan nie. Ek het geleer van hierdie bediening dat God 'n God is wat gebede verhoor en niks, NIE EEN ding, is te moeilik vir my Geliefde nie. Ek was baie bang en skrikkerig vir die dinge wat ek nie seker was dat dit gaan gebeur nie. Ek is verlam deur vrees en die pyn bly langer as wat dit moes, ek het 'n vrag gedra wat ek nie toegerus was om te dra nie. Sedert die oomblik dat ek Hom gevra het om my te help om alles, selfs my vrese, stadig oor te gee, is hierdie las vervang deur Sy juk wat lig en maklik was.
Die oomblik toe ek alles laat gaan het, selfs my gebede, en myself totaal oorgegee het vir Sy goeie, volmaakte en aangename wil, het alles verander. My ergste vrese en situasies het die mees onvergeetlike oomblikke in my lewe geword, want ek het geweet dat Hy gedurende daardie oomblikke baie werklik en baie naby aan my is.
Een ding waaroor ek kan deel, is wat Erin ons steeds leer, om nie die kwaad te weerstaan nie. Dit beteken ook dat jy nie moet bid vir dinge wat teen ons kom nie, en dat dit ons lewens mag aanraak, soos die Here hulle toegelaat het. Dit sal Sy doel baie gouer bereik deur nie weerstand te bied nie. Ons sal uiteindelik in sirkels rondloop, het ek geleer, tensy ons die feit dat Sy wil uiteindelik sal gebeur, ten volle omarm.
Deur nie te bid dat dinge nie in my lewe gebeur nie, en eerder kies om te bid dat Sy wil in my lewe moet geskied. Hy gee die genade om alles wat Hy toelaat versigtig te verduur en ek moet net vertrou dat alles eendag perfek sal sin maak. As dit nie so is nie, weet ek dat die WAARHEID al is waarby ek moet leef, dat alles wat met my en in my lewe gebeur, alles vir SY GLORIE en vir my beswil is.
Ek het gebid dat dinge my gang sou gaan, soos ek wou hê dat dit moes gebeur en het my lewe lank hieraan gewoond geraak. En toe ek verneem dat God nie altyd met 'n ja antwoord nie, volgens wat ek wou, het dit my geloof verswak en my hopeloos en verlate laat voel. Ek het my vertroue in mense gestel, veral my aardse man, toe ek glo dat hy so lief is vir my en dat hy my nooit vir 'n ander vrou sal verlaat nie, en dat ek altyd kan uitsien en verseker wees dat my toekoms en al my dae saam met hom spandeer sal word, maar ek was baie verkeerd.
Toe dit begin, het ek tot my God gebid vir alle dinge en vir alle geleenthede soos ek wou hê dat dit moes gebeur. Maar Hy het Sy weë, en toe ek die ware Minnaar van my siel en die Liefde van my lewe leer ken, het ek Hom gevra om my te help om my wil, begeertes en planne oor te gee in ruil vir Syne. Ek wil nou hê dat my lewe vir Hom aanvaarbaar is, en alles lyk baie beter. Ek het miskien alles wat ek destyds gehad het, verloor, maar die lewe wat ek by Hom gekry het, is soveel beter.
Laat ons elkeen bid terwyl ons ons Hemelse Man vra om ons te help om ons wil aan Syne oor te gee: My Liefde, ek is baie jammer as dit my lank geneem het om tot op hierdie punt te kom. Ek het my toe afgevra waarom sommige huwelike 'n paar maande neem om herstel te word en waarom ander, soos myne, jare geneem het. Was dit omdat ek hardkoppig is en ‘n sterk wil het? Was dit omdat ek nie geloof en goeie werke het nie? Wat het dit vir my so moeilik gemaak om 'n lewende verhouding met U te hê? En nou weet ek.
Die lewe is 'n wedloop wat spesiaal vir elkeen van ons ontwerp is, soos hoe ons uniek as individue geskep word. As ek vroeg al gekry het wat ek wou hê, sou ek nie word wat ek nou is nie. Selfs al sou my huwelik nie herstel word nie, het ek 'n baie dieper betekenis gekry oor wat my lewe sal beteken en het dit uiteindelik besef.
Ek is so jammer my Liefde as ek U so lank laat wag het, vir my om te besef dat ek die liefde gevind het waarna ek gesoek het. Ek hoef nie tevergeefs te soek na die liefde wat ek wou voel nie, want dit was reg voor my oë. U is miskien nie hier by my nie (wat ek hoop dat U sal wees), maar ek het nog nooit voorheen die warm aanraking ervaar nie, die aangenaamste drukkies soos dié wat U my gegee het nie.
My Liefde, die lewe het pas vir ons albei begin en ek het weet dat dinge soveel beter sal word. Ek het verstaan dat die lewe moeiliker sal word en ook beproewings, maar ek hoef my nie te bekommer nie, want ek het die Here van die leërskare wat veg en beskerm. Moet asseblief nie hierdie gevoel laat verdwyn nie, moenie te ver van my af wegbeweeg nie, ek wil nie eendag behoeftig wakker word en meer na hom verlang as wat ek vir U doen nie. Help my om nie terug te keer na my ou maniere nie. En help my net om op my liefde vir U te fokus.
Liewe bruide, daar is mag en vryheid in oorgawe. Laat Hom doen wat gedoen moet word, en kyk hoe Hy jou daarna gaan seën.
“Die Here vra toe vir die Satan: “En my dienaar Job, het jy hom raakgesien? Sy gelyke kry jy nie op aarde nie: hy is vroom en opreg, hy dien My en vermy die kwaad.” Job 1:8
Hierdie boek het soveel beteken, as jy net jou oë oopmaak vir die waarheid wat nou al 'n rukkie in jou hart klop.
~ Cherie in Manila
Volg #Cherie
Ek is 'n tiende vennoot. Leer meer.
Volg ons #LOL Tag om die LOF uit hierdie lewensveranderende boeke te lees.