FDA Hoofstuk 8 “Verskrikking Vrees” Deel 2

“. . . as julle goed doen

en geen enkele verskrikking vrees nie.”

—1 Petrus 3:6

 

Daar is baie maniere waarop vrees jou sal probeer inhaal. Een wat hoogty vier, is die vrees dat ons eggenoot ontrou sal wees—owerspel pleeg.

Alhoewel jy dalk al hierdie vrees in die gesig gestaar en, hopelik, verower het, sal dit jou goed doen om die hoofstuk oor owerspel in Erin se boek, Hoe God Jou Huwelik Kan En Sal Herstel, te lees, wat my die grondbeginsels met betrekking tot ontrouheid gegee het en hoe om die verwoestende gevolge van owerspel te oorkom deur die gebruik van die Skrif. En aangesien hierdie sonde so algemeen in ons samelewing en binne die kerk voorkom, het ek gevoel hoe die Here my lei my om een hoofstuk toe te wy om te praat oor wanneer ontrouheid “vermoed” word, maar nog nie bevestig is nie. Ek hoop dit sal ander mans/vroue help wat dalk die moontlikheid in die gesig staar dat hulle eggenote saam met ‘n ander man/vrou is, of soos ons na hulle by RMI verwys, die AV “ander vrou” of AM “ander man.”

Hierdie keer het ek absoluut geen idee gehad dat owerspel weer plaasvind nie; die eerste keer het ek my vermoedens gehad. Maar hierdie keer, glo dit of nie, was dit ons beradingspastoor wat aanhoudend vir my gesê het: “Hy moet betrokke wees by ‘n ander vrou; hy wys al die tekens!”

Laat ek hier stop en deel dat ek meer teen berading en beraders is as ooit tevore—selfs meer as Erin. Dit was ons senior pastoor wat vir my (en my man) gesê het dat tensy ons vir berading gaan, ons van ons kerk verwyder sou word. Ek het gegaan, maar nie verbasend, my eksman wou nooit gaan nie.

Daar is so baie redes hoekom ek persoonlik teen berading is—dit is slegs een saak wat heilige woede in my na vore gebring het, beraders en berading—toe ek eerstehands ervaar het hoe gereeld hulle gedagtes in die verstand van ‘n seer vrou of gebroke man plant dat hulle eggenoot waarskynlik egbreek pleeg!!

All waaraan ek kon dink was hoe geestelik onstabiel die meeste vroue en mans in die kerk is! Baie vroue sal so verpletter wees; hulle kan maklik hardloop en self egbreek pleeg, of erger, hulle eie lewens neem (en selfs haar kinders se lewens soos ‘n vrou in Kalifornië)!

Die ander ding wat gewoonlik gebeur wanneer hierdie saad geplant is—hulle konfronteer hulle  mans/vroue dwaaslik en vra hulle reguit of hulle iemand sien of  ‘n buite-egtelike verhouding het!

Liewe leser, daar is geen groter fout (behalwe owerspel om jou eggenoot terug te kry) as om vir hulle te vra om te erken, of hulle te konfronteer nie! As jy vermoed dat jou eggenoot betrokke is by iemand anders, dan moet jy op jou knieë voor God neerval en gereed maak vir die stryd—geestelik! Raak opgebid, kom naby aan Hom; laat Hy jou lei, vertroos en gereed maak vir wat dalk voorlê.

En ook, moenie vir die vyand die voordeel gee wat Hy vir jou gegee het deur die sonde van owerspel te konfronteer en uit sy kas te laat nie! Dit is baie beter dat hulle (jou man/vrou en die persoon by wie hul betrokke is) steeds gedwing word om rond te sluip as wat dit sal wees wanneer dit in die oopte is en hulle in jou gesig daarmee pronk! Dit is presies wat gebeur wanneer jy iemand konfronteer wat jou verneuk en jy jou eggenoot probeer kry om dit te erken. En nie net word daarmee in jou gesig gepronk nie, maar dit is wanneer hulle ook vir jou kinders daarvan sal vertel (hulle voorstel en hulle besoeke sal aan hulle wees) en hulle begin om saam in jou gemeenskap rond te loop!

Owerspel, dames en here, is ‘n geestelike stryd; daarom moet jy wysheid gebruik (nie reageer op jou emosies nie) wanneer jy daarteen baklei.

“As die byl stomp word en nie geslyp word nie, moet jy meer krag gebruik. Dit betaal om jou verstand te gebruik” (Prediker 10:10).

In oorlog sou jy beslis nie die vyand laat weet dat jy bewus is van hul bewegings nie, sal jy? Jy sal eerder hierdie kennis verberg om gereed te wees vir die volgende keer wat die vyand aanval! En wanneer jy vir hulle die voordeel gee, deur vir hulle te vertel dat jy weet of vermoed wat hulle doen, dan sal hulle dit teen jou gebruik! Ek het dit ondervind die eerste keer dat my man my verneuk het en het dit male sonder tal gesien met vroue vir wie ek help bediening gee.

Van die oomblik dat owerspel gekonfronteer word, het die AV of AM die voordeel in jou eggenoot se lewe! Dit is die Goddelike waarheid! Jou eggenoot sal nie langer rondsluip sodat jy nie uitvind nie, maar hulle sonde sal eerder in jou gesig mee gepronk word en gou sal jou eggenoot jou ore bombardeer met gemors, wat ek belowe, jy nie wil hoor nie!

Die eerste keer toe ek egskeiding in die gesig gestaar het, het ek van niemand anders gehoor wat dit ooit probeer het nie. Dit is voordat ek van RMI geweet het. So, toe die vyand my opgestel het om uit te vind dat my man nie alleen in ‘n afgeleefde woonstel (daarom het hy gesê hy wil nie hê ek of die kinders moet weet waar hy bly nie) bly nie, maar in ‘n woonstel in die beste deel van die dorp saam met die ander vrou, het ek die aas gegryp en vir my man gesê dat ek weet.

Daardie aand het hy gehuil, erken dat dit waar was en daardie aand was ook die heel laaste keer dat hy gebly het todat die kinders gaan slaap (sodat ek nie sou vermoed dat hy saam met iemand anders bly nie). In plaas daarvan, na daardie aand wat ek hom gekonfronteer het, sou hy vir my sê dat hy by die “huis, by haar” moes kom, arme ding, wie alleen was, ens., ens.

Dieselfde ding sal met jou gebeur! Moenie in hierdie strik trap as jy nie alreeds die aas gegryp het nie.

Vinnig vorentoe na hierdie keer. Hierdie keer het ek nie vermoed dat daar iemand was nie, maar soos ek gesê het toe ek gedwing was om vir berading te gaan (of gevra word om my kerk te verlaat), was dit die beradingspastoor wie vir my gesê het dat daar geen twyfel was dat my man by iemand betrokke was  nie. Daardie selfde dag het my jongste suster vir my gesê ek was so onnosel, natuurlik was hy weer by iemand betrokke, want dit was die soort man wat hy was.

So, soos ek altyd getrou was om te doen, en wat jy jouself moet leer om ook te doen, het ek weggesluip om alleen saam met die Here te wees todat die gevoel weg was. En soos ek altyd getrou was om te doen, het ek vir Hom gesê wat vir my gesê was (nie vir Sy voordeel nie, Hy weet altyd, maar dit help om vir Hom te vertel), en toe verbaas ek myself deur te vra of dit waar was (toe ek geweet het dit is nie); verstaan jy wat ek bedoel? Dit was asof die Here my gevra het om te vra wat ek regtig geglo het nie waar was nie. Maar Hy het my laat skrik en gesê: “Ja, dit IS waar.”

MAAR omdat HY dit vir my gesê het en ek nie dwaaslik self gaan uitvind het nie, of gesnuffel of my man met my vermoedens gekonfronteer het soos voorheen nie, of wat baie van julle doen, het dit nie seergemaak nie, ek was ook nie geskud nie!!

Psalms 55:23 sê: “Laat jou sorge aan die Here oor, Hy sal vir jou sorg. Hy sal die regverdige nie in die steek laat nie.”

Hierdie keer was ek vasbeslote om nie dieselfde fout te maak nie, soos voorheen, so ek het niks vir my man daaroor genoem nie. Terwyl ek alleen saam met Hom was in my gebedshoekie, het God het selfs vir my gesê wat haar naam is. En Hy het ook aan my elke keer geopenbaar wat hulle saam was, toe dit reg onder my neus was, maar ek het nooit iets vermoed nie!

Twee dinge wat ek wil hê jy moet weet, eerstens, toe die Here klaar was om die waarheid aan my te openbaar, het Hy vir my gevra hoe ek voel. Ek moes myself soort van ondersoek, net soos wanneer jou dokter jou vra waar die pyn is en of jy pyn voel. Toe ek dit doen, het ek besef daar was glad nie pyn nie—geen vrees—daar was niks anders as wonderlike vrede nie! Dit was beslis  anders as die eerste keer toe ek van die eerste AV uitgevind het.

*En moet asseblief nie wreed genoeg wees om te dink dat aangesien dit voorheen gebeur het, ek  “gewoond” was daaraan nie! Niemand kan gewoond raak aan verraad nie, maak nie saak hoeveel keer dit gebeur nie. Jy kan jouself hard maak daarteen, maar ‘n harde hart is geen oplossing nie.

Tweedens het ek vir die Here gevra hoekom ek nie hierdie dinge opgemerk het wat so voor die hand liggend was nie. Was ek dom; was ek naïef, ens. soos die twee mense (die beradingspastoor en my suster) wat gesê het hy is betrokke, vir my gesê het?

Die Here het vir my iets gesê wat ek glo jou ook sal help. Hy het vir my gesê dit is omdat elkeen van ons na ander mense kyk soos hoe ons is! Bedoelende, iemand wat 'n leuenaar is dink altyd ander mense lieg vir hulle, reg? So, dit was my suiwer hart wat na my man gekyk het met dieselfde suiwer hart soos ek gehad het. Dat ek nooit ontrou aan hom sou wees nie, so sekerlik, sou hy ook nie aan my ontrou wees nie.

Dit is hoekom dit so gevaarlik is om dwaaslike dinge te doen, soos rondsnuffel. Rondsnuffel is ‘n ander manier waarop ‘n man of vrou reageer wanneer die saad geplant is dat hul eggenoot ‘n “affair” het, wat ek verkies om te stel as “owerspel pleeg.” Sonde, in my, Erin en God se opinie, is nie ‘n partytjie of “affair” nie. Owerspel is ‘n sonde en moet aangespreek word soos sonde deur dit owerspel te noem.

Dit is hoekom dit so gevaarlik is wanneer jy begin rondsnuffel—dit sal die pyn ontbloot waarteen God jou probeer beskerm het. Sommige vroue sal nie daardie pyn kan oorkom nie en dikwels, nadat meer bewyse van haar man se sonde ontbloot word, sal sy in ander strikke val soos alreeds bespreek: sy sal self owerspel pleeg of haar man konfronteer met wat sy in haar rondsnuffelry gevind het! Sommige vroue, soos ek gesê het, is so oorweldig dat hulle die ondenkbare doen, soos haar man doodmaak of haar eie lewe neem. Ons hoor dit gereeld in die nuus, reg?

Mans wat rondsnuffel reageer dikwels op hul pyn en verraad met woede, en partykeer geweld! Daar is geen ander manier om jou toekoms te vernietig, of die ander man te laat lyk soos die een wat jou vrou wil hê, as deur betrokke te raak in ‘n geveg met die ander man by wie sy betrokke is nie. Ongelukkig word die woede dikwels gerig op jou vrou, wie jy óf verbaal aanrand óf fisies seermaak, en dit sal by die negatiewe gevoellens gevoeg word wat sy alreeds vir jou het. Moenie konfronteer nie!