Vanaf die begin van die jaar, het ons verskillende beginsels geleer om die seëninge te ontdek. Kom ons neem ‘n oomblik om hulle te hersien:
Beginsel #1 God WIL Jou seën!
Beginsel #2 Smart en Lyding help ons om die volwassenheid te verkry om die seën te geniet!
Beginsel #3 Om geseën te word. moet jy Hom lief genoeg hê om Hom te gehoorsaam.
Beginsel #4 Om geseën te word moet jy Sy Woord oordink.
Beginsel #5 Ons moet onverdeelde gedagtes hê.
Vandag sal ons 'n beginsel bespreek wat die seëninge sal blok wat God vir ons het:
Beginsel #6 Ons moet ophou om te doen wat ons WEET verkeerd is
Daar is so baie van ons wat geteister word met die kwessie om te doen wat ons WEET verkeerd is, maar vind dat ons NIE IN STAAT is om die versoeking te weerstaan nie.
Selfs die apostel Paulus het gevind dat hy nie in staat was om te doen wat hy wou doen nie, maar het gedoen wat hy nie WOU doen nie. Soveel so (was sy leed) dat hy in Romeine 7:24 uitgeroep het: “Ek, ellendige mens! Wie sal my van hierdie doodsbestaan verlos?"
Verlede week het ek gelei gevoel om ‘n dierbare vriendin van ons kerk, wat ‘n herstelde huwelik het, te besoek. Sy wou iets belangrik met my gedeel het en alhoewel ek nooit tyd het vir persoonlike verhoudings nie, het ek myself gehoor sê dat ons miskien bymekaar kon kom.
Ek het beplan om dit ‘n kort besoek te maak, maar die Here het my vir 'n lang tyd daar gehou—ek het ’n paar uur saam met haar spandeer omdat die kar wat ek bestuur het, kragstuur verloor het. Alhoewel ons albei geweet het dat die Here dit sou regmaak en vir ons die wysheid/kennis sou gee oor wat verkeerd was, was dit nie totdat haar man by die huis gekom het dat ons die oorsaak ontdek het nie (of sou ek sê die Here het "onthul") sodat ek kon vertrek en dit laat regmaak. Die Here het daardie goddelike afspraak vir my gemaak en Hy het die kar probleme gebruik om dit te hou vir die tydsduur wat Hy my daar wou hê.
Toe ek net daar aangekom het en ons alleen was, het sy, soos Paulus, gehuil en vir my gesê dat iets verskrikliks verkeerd was! Sy was nie die “stil en sagmoedige” gees wat God toegelaat het om haar en haar huwelik te herstel nie. In plaas daarvan, het sy alles gedoen wat sy gehaat het; dit het gelyk of haar “ou self” terug was!!
Toe ek ‘n oomblik alleen gehad het, het ek die Here gevra vir die wysheid wat Hy wou gehad het ek vir haar moes gee. Verbasend, die oomblik toe ek weer in die kamer ingekom het en voor ek enigiets kon sê, het sy gesê: “Ek wou met jou praat oor vas.” Wel, dit was die woord van die Here. Vas.
Daar is niks kragtiger om vestings te vernietig, deurbrake te kry en die vlees DOOD TE MAAK soos vas nie! Dit is nie die enigste oplossing nie, maar dit is ‘n groot deel daarvan en dikwels waar Hy begin.
Eerstens, het ek vir haar gesê, soos wat ek jou sê, dat die Here vir ALMAL van ons wil wys dat ”sonder My kan julle NIKS doen nie!” Johannes 15:5 Die Here hou daarvan om vir ons te wys dat Hy wil hê ons moet op Hom staatmaak en nooit enigiets sonder Hom moet probeer nie.
Die apostel Paulus het aangegaan om te sê (toe hy uitgeroep het nadat hy gedoen wat hy nie wou doen nie, maar dit nog steeds gedoen het) dat die oplossing was om die verskil te verstaan tussen die gees en die vlees. Om ten volle te verstaan, hoop ek jy sal die tyd neem om deur hierdie twee verse te lees, waarby ek die vergelykings gevoeg het Galasiërs 5:17 en Romeine 8:5.
Die feit van die saak is, nie een van ons kan onsself verander nie. Ons word slegs verander omdat God "in ons" werk. Behalwe dat ons God in ons laat werk, werk ons ook saam met Hom deur te vas en sodoende die vlees DOOD TE MAAK. Vas is een manier wat ‘n gelowige wat in God wil groei, die vlees kan doodmaak en toeneem in die dinge van die gees.
Amper ‘n jaar gelede, het ek die Here gesoek vir die gewig wat ek opgetel het, Hy het my herinner (ooit so saggies) dat ek nie gereeld gevas het nie. Ek het aan Hom bely, toe my man en later aan Michelle (in Alabama), wie destyds ons Herstel Gemeenskap President was. Dit was waar dat ek misluk het om gereeld te vas soos wat ons almal van julle aanmoedig om te doen. En sodra jy wegkom daarvan, is dit so maklik om dit te laat vaar, somtyds vir ‘n lang ruk, soos in my geval.
Die vas het nie net my gewigsverlies begin nie (dit is ‘n ander onderwerp wat ek gelei mag voel om op ‘n later tyd met jou te deel), maar dit het my geestelike toename begin. Wanneer ons honger ly of faal om die vlees te voer, dan begin dit krag verloor. En terselfdertyd tyd, verkry ons gees die krag.
Soos wat ek my vriendin aangemoedig het, het sy my meegedeel dat sy "probeer" het om te vas, maar was nie in staat om aan te gaan nie as gevolg van 'n enorme hoofpyn wat sy ervaar het toe sy vir drie dae probeer vas het! Maar voor ek kon kommentaar lewer, het sy gesê dat sy op haar tweede week van ‘n dieet was wat suiker uit haar dieet gesny het (soos wat haar man haar aangemoedig het om te doen) en hoe God haar pogings geseën het omdat sy onderdanig was aan haar man.
Die hoofpyne was as gevolg van, soos sy gesê het, haar “suiker verslawing” of die vesting. Aan die begin van haar dieet het sy weer die hoofpyne gehad, maar nou was hulle weg. Daarom, sou sy gereed wees om ‘n paar “dag” vaste te doen, ‘n paar dae ‘n week, op ‘n gereelde basis soos wat ek haar aangemoedig het om te doen .
Benewens die vas, het ek vir haar in haar Bybel die vers in Jesaja 58:6 gewys wat begin met, “Is die vas wat Ek wil hê..." Ek het met haar gedeel dat die Here my onlangs gelei het om te ‘kies” watter bande van goddeloosheid ek wou losmaak, watter bande van die juk ek wou hê dat Hy ongedaan moes maak, van watter onderdrukking wou ek vry wees. Die vas wat ek gekies het was om elke [verslawende] juk wat ‘n houvas op my gehad het, te breek!
Ek het my vriendin meegedeel dat die “keuses” vir my vaste vrees, intimidasie, veroordeling, skuld, en skande was—wat (op daardie stadium) my lewe beheer het en op my emosies gespeel het. Onwetend het sy uitgeblaker dat haar probleem was “om beheer te benodig” “en ‘n "obsessie met perfeksie.”
Al ons Herstel Gemeenskap lede moet God soek om ten minste twee dae per week te vas en moet hulself daartoe verbind om dit vir ewig te doen, selfs tot, en veral na, jou herstel. Soek God vir wysheid om te weet wat jy moet “kies” om te breek gedurende jou vas.
Nietemin, hou in gedagte dat selfs wanneer jy vas en in die versoeking kom, as jy eenvoudig “ingee” aan die versoeking, dan doen jy die presies die teenoorgestelde van honger te ly om die vlees DOOD TE MAAK; in plaas daarvan VOED jy jou vlees.
As jy jou vlees voed, sal dit jou geestelik aansienlik verminder. Dit veroorsaak dat meer en meer versoekings jou oorkom totdat jy in ‘n afvallige staat is. Elke keer wat jy “ingee” aan 'n versoeking, word die vlees versterk omdat jy “dit gevoed het” Dan, wanneer nog ‘n versoeking kom, is jou geestelike krag dikwels te swak en val jy weer en weer in die versoeking, wat ‘n swakker gees en ‘n selfs sterker vlees tot gevolg het.
So om regtig die vlees DOOD TE MAAK moet jy VAS totdat jy fisies swak is maar geestelik sterk! EN as jy fisies swak is, sal jy vind dat dit baie makliker is om te weier om “in te gee” aan die versoeking. Ek het gehoor dat Joyce Meyer sê dat sy so ‘n ontsaglike probleem met haar mond gehad het dat sy uiteindelik “'n handdoek in haar mond gestop het en die gang afgehardloop het sodat sy nie iets vir Dave sê wat sy nie moet nie!"
So, in 2004 toe ek die eerste keer hierdie reeks geskryf het, het ek ‘n lys gemaak van 'n paar dinge wat ek gesien het te veel van ons lede doen, wat nie net hulle herstel verhinder het nie, maar ook hulle vlees gevoed het, sodat hulle Sy seëninge gemis het:
- Stryery. Alhoewel baie van julle opgehou het om met julle eggenote te stry, gaan jy voort om met ander te stry. In plaas daarvan, onthou dat ons gevra word om in harmonie te leef en om eensgesind te wees.
- Hou op om vrae te vra. As jy nog steeds jou eggenoot, jou eVennoot, ons bediening of enigiemand anders aan wie jy kan dink, vra om jou te help om die antwoorde te vind, dan het jy nie vir God die werk gegee om jou wysheid te gee, of die Here toegelaat om jou te lei nie. As jy na Hom toe keer sal Hy jou voortdurend lei sodra jy ophou om op jou eie insigte staat te maak en erken dat net HY die pad ken wat jy op jou Herstel Reis moet neem.
- Hou op om vir goed te vra. Die enigste een wat in AL jou behoeftes kan voorsien is God. Hy het Sy Seun voorsien om by jou te wees. Vertrou my, jy sal nooit tevrede wees met die liefde of geselskap wat uit ‘n menslike wese oorsprong het nie. En jy sal nooit die besittings waarmee jy geseënd is geniet tensy dit direk van die Here af aan jou gegee is nie (omdat jy Hom gevra het). Hy wil voortdurende oomblik-vir-oomblik kameraadskap saam met jou hê, omdat Hy lief is vir jou en belowe om jou te seën met alles wat jy nodig het—as jy Hom eerste in jou lewe en eerste in jou hart maak. Verbind jouself daartoe om dit vandag te doen.
- Najaging.Te veel van julle het nog nie laat gaan nie. Ek weet dit, jou vriende weet dit en jou eggenoot weet dit ook. Ongelukkig, weet jy dit nog steeds nie en gaan jy voort om dit te ontken. As jy nog steeds eet, slaap, dink en oor jou eggenoot praat (wat hy of sy doen, voel, ens., ens.) het jy hulle eenvoudig NIE laat gaan nie. Ons sien dit in elke vorm wat jy invul. Selfs al het jy vir jou eggenoot gesê dat hulle vry is, sal jy nooit vry wees totdat jy laat gaan nie. Vertrou my en almal wat al ooit ‘n herstelde huwelik ervaar het—daar is so ‘n vryheid daarin om die Here toe te laat om ALLES te wees wat jy nodig het! Dit sal jou vryheid gee van vrees, intimidasie, angs en die slawerny as gevolg van die behoefte om jou gade by die huis te hê. En, dit is die vryheid wat God nodig het om in staat te wees om in jou herstel te werk en dit te voltooi.
Maak hierdie week ‘n nuwe verbintenis om die Here ten volle te soek, terwyl jy vas. En maak seker jy laat gaan en gee jou eggenoot vir Hom. As jy nie weet hoe om dit te doen nie, vra eenvoudig vir die Here om dit te doen. Raak totaal en al afhanklik van Hom vir alles. En, as jy gefaal het in jou begeerte om te vas, maak hierdie week ‘n nuwe begin deur God te begin soek vir wysheid oor wat dit in die verlede voorkom het. As jy voortgaan om te faal, of jy het moeilikheid as gevolg van hoofpyne of jou gesondheid, praat met die Here daaroor. Laat Hy die weg reguit en makliker maak om jou te lei om oorwinning te behaal oor jou vlees sodat jy gelei kan word deur die Gees. Nou is dit tyd om te. . .