♕ Belofte van vandag: “Net so moet jy ook vir die ouer vroue sê hulle gedrag moet dié wees van mense wat 'n heilige lewe lei. Hulle moenie kwaadpraat of aan drank verslaaf wees nie. Hulle moet goeie raad kan gee, sodat hulle die jonger vrouens kan leer om liefdevol teenoor hulle mans en kinders te wees, verstandig en kuis, goeie huisvrouens, onderdanig aan hulle mans. Dan sal die woord van God nie in diskrediet kom nie.” Titus 2:3-5
Ek het my Hemelse Man nou al 'n rukkie gevra om vir my asseblief iemand te stuur om aan te moedig en aan wie ek bediening kan gee, want ek gaan nie regtig veel uit of ontmoet nuwe mense nie weens die sosiale afstandsbeperkings. Wel, hy het vir my iemand nie ver van my af gestuur nie, my eie niggie.
Onlangs het sy probleme ondervind in haar verhouding met haar seun se pa. Uiteindelik het sy hul huis verlaat en by ons, by my suster se huis kom bly. Ek probeer haar so bietjie vir bietjie op ons Here wys sonder om opdringerig te wees. Ek sê elke dag vir haar om te bid en haar lewe aan die Here te gee. Jy sien, my suster en haar man het nooit regtig te veel oor God met hul kinders gepraat nie. Ek bedoel hulle het in Hom geglo, maar het nooit regtig van Hom geleer nie. Hulle is hier en daar kerk toe, maar dit is omtrent al.
Vanaand het ek buite gesit en geluister na een van Erin se Be Encouraged-video's en my niggie het by my kom sit. Sy het begin praat oor hoe sy geweet het dat sy foute in haar vehouding gemaak het en hoe sy voel dat God vir haar haar foute wys. Sy het gesê dat sy hom altyd die skuld vir alles gegee het, maar nou sien sy dinge in 'n ander lig. Ek hoef nie eens veel te sê nie, sy sien duidelik wat God vir haar probeer wys het. Ek het saamgestem en haar ook vertel van my tekortkominge in my huwelik. Ek het vir haar gesê dat God haar vergewe, maar om dit as wekroep te neem om haar tot die Here te wend en Hom eerste in haar lewe te maak sodat Hy haar kan verander.
Ek sal aan haar bediening gee soos my Hemelse Man my lei en ek dank U, my Here, dat U my niggie se aandag gekry het en dat U haar na U toe roep sodat sy haar lewe aan U kan gee. Dit was vir my goed om geteister te word, want dit het my laat verander sodat ek U woord aan haar kon bedien en daardie Wyse Vrou tot U eer kon wees. Dankie Here dat U ons lewens verander sodat ons U kan weerspieël en die vroue kan word waarvoor U ons geroep het.
“Net so moet jy ook vir die ouer vroue sê hulle gedrag moet dié wees van mense wat 'n heilige lewe lei. Hulle moenie kwaadpraat of aan drank verslaaf wees nie. Hulle moet goeie raad kan gee, sodat hulle die jonger vrouens kan leer om liefdevol teenoor hulle mans en kinders te wees, verstandig en kuis, goeie huisvrouens, onderdanig aan hulle mans. Dan sal die woord van God nie in diskrediet kom nie.” Titus 2:3-5